Gildas

Gildas fuit monachus Britannus et scriptor in lingua Latina. Sanctus est ecclesiae Catholicae die festa 29 Ianuarii.

Vita

Simulacrum recens sancti Gildae prope oppidum Sancti Gildasii Ruiensis positum

In oratione sua De excidio Britonum Gildas dicit se natum esse ipso anno proelii ad montem Badonicum. Secundum Annales Cambriae id proelium anno 516 factum est, sed nonnulli eruditi id erroneum esse praetendunt, et de ea re annum nativitatis Gildae rescribunt, alii ut 494, alii aliter. In eisdem annalibus mors Gildae inscripta est sub anno 570; sed notandum est hos annales saeculo X confectos e fontibus ignotis.

De vita Gildae et de historia eius temporis fontes coaevales carent. Duae vitae hagiographicae mediaevales exstant, una a monacho quodam abbatiae Ruiensis Armoricae saeculo IX, altera saeculo XII a Caradoco Lancarbanensi scripta. Nonnullae res a scriptoribus ambobus traduntur, et praecipue de nativitate Gildae in Caledoniae regione quae trans Clutam flumen iacet, sed de senectute et morte Gildae omnino differunt: monachus Ruiensis enim Gildam coenobium Ruiense condidisse ibique mortuum esse asseverat, Caradocus autem eum Glastoniae mortuum esse praetendit. Est etiam vita hagiographica saeculo XVII conscripta ab Alberto le Grand, qui Gildam in Armorica natum esse fingit.

Opera

De excidio Britonum
De paenitentia
Lorica Gildae attributa
Fragmenta epistularum

Bibliographia

Editiones operum

Hugh Williams, ed., Gildas: De Excidio Britanniae, Fragmenta, Liber de Paenitentia, "Lorica Gildae", etc. -- Two Lives of Gildas. (Cymmrodorion Record Series, 3). Londinii: David Nutt, 1899-1901. (Latine, Anglice) Textus apud archive.org
Michael Winterbottom, ed., Gildas: The Ruin of Britain and other works. Cicestriae: Phillimore, 1978. (Latine, Anglice)

Editiones fontium

"La Vie de S. Gildas surnommé le Sage" in Albert le Grand, La Vie, gestes, mort et miracles des Saints de la Bretagne Armorique, ensemble un catalogue des évêques des neuf eveschés d'icelle. Redonis, 1659 Textus apud archive.org
"La Vie de S. Gildas surnommé le Sage" in Albert le Grand, Les vies des saints de la Bretagne Armorique: ensemble un ample catalogue chronologique et historique des evesques d'icelle. Quimper, 1901 Textus apud gallica

Eruditio

N. J. Higham, The English Conquest: Gildas and Britain in the fifth century. Mancunii: Manchester University Press, 1994. ISBN 0-7190-4079-5
E. A. Thompson, "Gildas and the history of Britain" in Britannia vol. 10 (1979) pp. 203–226 JSTOR; "Corrigenda" vol. 11 p. 344 JSTOR

Nexus externi

De excidio Britonum (Latine, Anglice)
De Excidio Britonum (Anglice)
Vita Gildae Caradoci Lancarbanensis
Notanda de Gilda^{[nexus deficit]} (Francice)
"Vita Gildae" Alberti le Grand (Francice)
De paenitentia (Anglice)
Lorica aliaque nonnulla (Francice)