KOKAN

Kowethyans Kevambos an Atlantek North (KOKAN), henwys yn Sowsnek an "North Atlantic Treaty Organization" (NATO), yw keffrysyans breselek. Ev a veu selys gans Kevambos Atlantek North (Sowsnek: North Atlantic Treaty) yn 1949 hag a veu sinys yn Washington, D.C., Statys Unys, 4ves Ebrel, 1949. Yma y bennplas yn Brusselas, Pow Belg. Y hanow sodhogel aral (a-der Sowsnek) yw yn Frynkek: Organisation du traité de l'Atlantique nord (OTAN).

Leveryans: Kowethyans Kevambos an Atlantek North

Yethow

Yma diw yeth sodhogel dhe NATO, Sowsnek ha Frynkek, dell yw styrys yn Erthygel 14 a Gevambos Atlantek North.

Istori

Yn 1949, eseli KOKAN o: an Statys Unys, Pow Belg, an Iseldiryow, Lushaborg, Pow Frynk, an Ruwvaneth Unys, Kanada, Portyngal, Itali, Norgagh, Danmark hag Island. Wosa teyr bledhen, 18ves Hwevrer 1952, Pow Grek ha Turki a junyas ynwedh.

Pan junyas Almayn West 9ves Me 1955, y feu deskrifys avel "poynt treylya y'n istori agan brastir" gans Halvard Lange, Menyster Tramor Norgag a'n oos. An sewyans a veu Kevambos Warsow, sinys 14ves Me 1955 gans an Unyans Sovyetek a'y statys lorell avel gorthyp dhe GOKAN.

Wosa an Vresel Yeyn yn 1999 tri fow kemynegorek y'n termyn eus passys a junyas KOKAN: Hungari, an Pow Chek ha Poloni. Dhe'n 29ves Meurth 2004 seyth moy pow europek a'n north ha'n est a junyas KOKAN: Estoni, Latvi, Lithouani, Sloveni, Slovaki, Bulgari ha Roumani.

Kroati hag Albani a dhegemeras galow eseleth KOKAN dhe 3a Ebrel 2008. Repoblek Makedoni a dhegemeras galow ambosek hepken awos bos lettys gans Pow Grek wosa dadhel hanow yntra Repoblek Makedoni ha Pow Grek.

Montenegro a junyas 5ves Metheven 2017. Makedoni North a junyas KOKAN yn sodhogel 27ves Meurth 2020, y 30ves esel.

Yma'n erthygel ma owth usya an Furv Skrifys Savonek a-barth Kernowek kres.

Erthygel kott yw hemma. Ty a yll agan gweres y wellhe! Mar kodhes moy a-dro dhe'n desten ma, klyck chanjya ha dalleth skrifa!

Onan a'n mil erthygel posekka war Wikipedya yw an erthygel ma.