Istori Wosa-Klassek
Istori wosa-klassek, henwys ynwedh an oos kresosel po an oos kyns-arnowydh, yw spys istorek a a-dro dhe 500 OK dhe a-dro dhe 1500 OK. An oos ma a omdhesedh orth an Osow Kres Europek, yn harow. Deskrifys yw der an efanyans a hwarheansow dres an bys ha'n displegyans rosweythow kenwerth yntra hwarheansow.
![Efanyans an Emperoureth Vongol yn istori wosa-klassek](http://upload.wikimedia.org/wikipedia/commons/thumb/b/bc/Mongol_Empire_map_2.gif/220px-Mongol_Empire_map_2.gif)
Yn Asi, lesans Islam a wrug emperoureth nowydh ha Oos Owrek Islamek gans kenwerth ynter brastiryow Asi, Afrika hag Europa ha gans avonsyansow yn godhonieth y'n bys kresosel Islamek. Asi Est a welas an fondyans leun a nerth a Jina Emperourethek hag a selyas nebes terniethow sewen gans delanwes war Gorea, Vietnam ha Nihon. Kryjyansow kepar ha Bouddieth ha Neo-Confucianieth a lesas y'n ranndir. Polter gonna o displegys yn China dres an spys wosa-klassek. An Emperoureth Vongol a junyas Europa hag Asi, ow kwruthyl kenwerth saw ha faster ynter an dhew ranndir.
Poblans an bys a dhewblekhes y'n oos, a ogas ha 210 milvil yn 500 OK dhe 461 milvil yn 1500 OK. Yn ollgemmyn, an poblans a devis yn fast dres an oos, mes yth esa nebes iselheansow yn hwarvosow kepar ha'n Pla Justinian, an Goryskynansow Mongol ha'n Mernans Du.
Yma'n erthygel ma owth usya an Furv Skrifys Savonek a-barth Kernowek kres.
![]() |
Onan a'n kans erthygel posekka war Wikipedya yw an erthygel ma. |