Wîkîpediyaya kurdî
Wîkîpediya kurdî | |
---|---|
![]() ![]() | |
Malper | ku.wikipedia.org |
Ziman | Kurdî (Kurmancî) |
Avabûn | 15ê kanûna paşîn, 2001 bi kurdî: 7ê kanûna paşîn, 2004 |
Xwedî | Weqfa Wikimedia |
Dirûşm | Ensîklopediya azad |
biguhêre![]() |
Wîkîpedyaya Kurdî, anku Wîkîpediya Kurdî, beşa zimanê kurdî ya projeya Weqfa Wikimedia ye ku bi tîpên latînî di 7ê kanûna paşîn a sala 2004an de hatiye destpêkirin. Wîkîpediyaya kurdî ji aliyê bikarhênerên dilxwazê Wîkîpediyaya kurdî ve tê nivîsandin û tê berdewam kirin. Wîkîpediyaya kurdî di sala 2024an de di hilbijartina berhemên sed salan de ku ji aliyê Komaleya Mala Kurdan a li Lozanê hatiye lidarxistin yek ji berhemên herî baş ê sedsalê hatiye hilbijartin. Dahênerê yekem ê Wîkîpediya kurdî Erdal Ronahî ye.
Niha çar versiyonên Wîkîpediyayên kurdî hene ku bi kurdiya kurmancî (kurdiya bi giştî bi tîpên latînî tê nivîsandin), soranî, zazakî û kelhûrî di weşanê de ne.
Li Wîkîpediyaya kurdî heta niha 1.816.925 guhertin pêk hatine û 83.315 gotar hatine nivîsandin. Li Wîkîpediya soranî 67.887 gotar û li Wîkîpediya zazakî 42.019 gotar hatine nivîsandin.[1]
Dîrok
[biguhêre | çavkaniyê biguhêre]Weqfa Wîkîmediyayê di 7ê kanûna paşîn a sala 2004an de dest bi weşandina Wîkîpediyaya kurdî kir. Wîkîpediya kurdî di destpêkê de ji her sê zimanên kurdî kurmancî, zazakî û soranî dest pêdike lê ji ber zehmetiyên teknîkî û zimanî û fikra berdewam kirina pirzimanî di bin yek guhertoyek de biser neket û di 12ê tebaxê de ji bo kurdiya soranî (bi koda zimanî ya "ckb") guhertoyeke nû hatiye pêşniyarkirin. Wîkîpediya kurdiya kurmancî ji ber ku kurmancî zimanê kurdî ya yekem a Wîkîpediyayê ye koda zimanî ya "ku" ji bo gotarên ku bi taybetî bi kurmancî û bi tîpên latînî hatine nivîsandin werdigire. Ji bo ku sîstem bê meşandin di 28ê kanûna pêşîn a sala 2007an de, Wîkîpediyaya kurdiya soranî li Wîkîpediyayê hatiye zêdekirin.
Daxuyaniya Wîkîpediyayê
[biguhêre | çavkaniyê biguhêre]Di sala 2020an de piştî ku Wîkîpediya kurdî gehişte hêjmara 30.000 gotaran, malperên medyaya civakiyên fermî ya Wîkîpediyayê di 9ê tebaxa 2020an de ji bo alikariya Wîkîpediya kurdî du bangawaziyên kurt parve kir.
Wîkîpediya, li ser malpera xwe ya Twitterê ya fermî ji bo bikarhênerên Wîkîpediya kurdî daxuyaniya xwe de wiha ragihand, got:[2]
Herçend zimanê kurdî li çend welatan were qedexekirin jî lê dilxwazên dilsoz ên Wîkîpediya kurdî bi awayekî veşartî dixebitin ku vî zimanî li ser Wîkîpediyayê zindî bihêlin. Bi xebatên wan, zêdetirî 30.000 gotarên Wîkîpediya Kurdî hene! Fêrî hinek peyvên bi kurdî bibin.
100 berhemên kurdî yên sedsalê
[biguhêre | çavkaniyê biguhêre]Wîkîpediyaya kurdî ji aliyê Komaleyê Çand û Perwerdeyê ya MALA KURDAN ku bi sponsoriya Şaredariya Lozanê hatiye lidarxistin di nav lîsteya projeya 100 berhemên herî navdarên ya sed salê de cih girtiye. Ev yek bi nameyek pîrozbahiyê ji aliyê komeleyê ve ji bo wîkîpediya kurdî û ji bo edîtorên wîkîpediyaya kurdî hatiye şandin. Di name ya komaleyê de wiha hatiye nivîsandin:
"Birêz wikipediyakurdi, Di sedsaliya Peymana Lozanê de, projeya bi navê “100 berhemên kurdî ya navdar ên di 100 salan de." ji aliyê Komeleya Çand û Perwerde ya MALA KURDAN bi piştgiriya aborî ya Şaredariya Lozanê hatiye lidarxistin. Di vê warî de, em bi rûmet in ji bo ku xebat/serkevtina we di nav vê lîsteya sed berhemên hêja yê sedsalê de cih girtiye, nameya pîrozbahiyê ji we re bişînin. Em we ji ber serkevtinên we yên hêja pîroz dikin û silavên xwe yên dilpak pêşkêş dikin û silavên herî baş ji we re, Komeleya Çand û Perwerdehiyê ya MALA KURDAN.
Kronolojî
[biguhêre | çavkaniyê biguhêre]Wîkîpediya kurdî
[biguhêre | çavkaniyê biguhêre]- 7ê kanuna paşîna 2004: Wîkîpediya kurdî hate destpêkirin.
- 13ê îlona 2004: Wîkîpediya kurdî gihîşte hezar gotaran
- 18ê îlona 2007: 10.000 gotar hatibûn nivîsandin.
- 19ê tebaxa 2013: 20.000 gotar hatibûn nivîsandin.
- 9ê tîrmeha 2020: 30.000 gotar hatibûn nivîsandin.
- 27ê tîrmeha 2021: 40.000 gotar hatibûn nivîsandin.
- 27ê tebaxa 2021: 50.000 gotar hatibûn nivîsandin.
- 16ê îlona 2023: 60.000 gotar hatine nivîsandin.
- 19 çiriya paşina 2023: 70.000 gotar hatine nivîsandin.
- 2ê tebaxa 2024: 80.000 gotar hatine nivîsandin
Statîstîk
[biguhêre | çavkaniyê biguhêre]Statîstîkên rojaneyên wîkîpediyayên kurdî.
Wîkîpediyayên kurdî | Malper | Endamên tomarkirî | Rêveber | Bikarhênerên çalak | Guhertin | Gotar |
---|---|---|---|---|---|---|
Kurmancî | ku.wikipedia.org | 71.505 | 3 rêveber | 91 bikarhêner | 1.816.925 | 83.315 |
Soranî | ckb.wikipedia.org | 63.983 | 7 rêveber | 141 bikarhêner | 1.269.557 | 67.887 |
Zazakî/Dimilî | diq.wikipedia.org | 29.234 | 3 rêveber | 38 bikarhêner | 531.176 | 42.019 |
Galerî
[biguhêre | çavkaniyê biguhêre]-
Destpêka Wîkîpediyaya kurdî (2004)
-
Destpêka Wîkîpediyaya kurdî (2008)
-
Destpêka Wîkîpediyaya kurdî (2016)
-
Despêka Wîkîpediyaya kurdî (2023)
Çavkanî
[biguhêre | çavkaniyê biguhêre]- ^ "Wîkîpediya:Ziman". Wîkîpediya. 29 çiriya pêşîn 2023.
- ^ "Malpera wîkîpediyayê ya fermî".