Egov.Press
| egov.press | |
 | |
| URL | |
|---|---|
| Коммерциялық |
Жоқ |
| Сайттың түрі |
Азаматтық бастама мен петиция жариялауға арналған интернет-ресурс |
| Тіл(дер)і | |
| Сервердің орналасқан жері |
Қазақстан |
| Авторы |
Қазақстан Республикасының белгісіз азаматтары |
| Ашылған уақыты | |
| Қазіргі статусы |
Белсенді |
egov.press (егов пресс) – 2020 жылы ашылған қазақстандық үкіметтік емес петиция сайты. Жобаны мемлекеттегі петиция институтын дамыту мақсатында Қазақстан Республикасының бес азаматы өз қаражатына жасаған. Олар қауіпсіздік мақсатында жеке басын жариялағысы келмейді.[1][2] Қазақстанда egov.press сайтындағы петициялар қоғамда наразылық туғызу үшін қолданылады, өйткені көтерілген бастамалардың заңды күші жоқ.[3][4][5] Сайттағы алғашқы петиция 2021 жылдың қазан айында жарияланған.[6][7]
«Қазақстан спектрі» ғылыми журналында 2023 жылы жарияланған Астанадағы Еуразия ұлттық университеті саясаттану кафедрасының магистрантының зерттеуіне сәйкес, 2022 жылдың 25 шілдесі мен 8 қарашасы аралығында сайтқа 539,7 мыңнан астам адам кірген. Сараптама қорытындысына сәйкес, 2022 жылы Қазақстанда саяси ауысу және саяси жүйені қайта құрылымдау аяқталу кезеңінде билік egov.press (alash.online) порталындағы он петицияның біреуін, ішінара бесеуін қанағаттандырған.[8][9]
egov.press және alash.online сайттарында Қазақстанның ҰҚШҰ-дан шығуы, нашақорларды заңсыз әдістермен емдеуге қарсы, мүгедектерге берілетін жәрдемақы көлемін ұлғайту және қазақ тілі орталықтарын ашу туралы петициялар журналдар мен кітаптардың талқыланатын тақырыбы болды.[10][11][12][13][14]
2022 жылы петиция сайты Қазақстан Республикасының аумағында сот шешімімен бұғатталды, содан кейін egov.press сайты alash.online жаңа доменіне көшті.[15][16]
alash.online сайтында жарияланған петициялар Massaget.kz редакциясының нұсқасы бойынша Қазақстандағы ең танымал бестікке енді.[17] 2022 жылдың 22 қаңтарында сайтта Қазақстандағы оқушы қыздарға орамал тағуға рұқсат беруді талап еткен петиция пайда болды. Бір күнде бастамаға 20 250 қол жиналып, 2 күннен кейін белгісіз себептермен сайттан жойылды.[18]
Петициялар
Қазақстан астанасы туралы
2019 жылғы 23 наурызда мемлекет басшысының Жарлығымен Қазақстанның астанасы Нұр-Сұлтан болып өзгертілді.[19] «Цифрлық парадигма» қоғамдық қорының зерттеуіне сәйкес, 2022 жылдың 11 қаңтарындағы Қазақстан астанасын Астана деп өзгерту туралы петицияға 223 101 адам қол қойған.[20][21]
2022 жылғы қыркүйектегі петициядан кейін «Жаңа Қазақстан» депутаттық тобы Мәжілісте елорданың атауын қайтару туралы бастама көтерді.[22] 2022 жылдың 15 қыркүйегінде бұл ұсынысты қалалық мәслихат қолдады. 16 қыркүйекте парламент депутаттары палаталардың бірлескен отырысында бұл нормаға дауыс берді. 17 қыркүйекте президент оған қол қойып, сол күні шешім күшіне енді.[23] Бастама толығымен қанағаттандырылды.[24][25][26][9]
Әйелдердің зейнеткерлік жасы туралы
2021 жылдың 30 қазанында Қазақстан Республикасының азаматтары әйелдердің зейнеткерлік жасын 55-58 жасқа дейін төмендету туралы петиция жариялады.[27] Бастамаға 863 мыңнан астам қол жиналып, әйелдер қозғалысы құрылды.[28][29] Олар бірнеше рет зейнетақы реформасын талап етіп шеруге шықты.[30][31]
2022 жылдың маусымында петицияны жариялағаннан кейін Сенат депутаты Дана Нұржігіт Премьер-министрден зейнет жасын 58 жасқа дейін төмендетуді сұрады.[32] 2022 жылдың 1 қыркүйегінде Президент Қасым-Жомарт Тоқаев «жоғары әлеуметтік сұранысты ескере отырып, 2028 жылға дейін әйелдердің зейнеткерлік жасы 61 жас болып белгіленетінін» атап өтті.[33][9]
Утиль алым туралы
2021 жылдың 31 қазанында жарияланған утиль алымды толығымен алып тастау туралы петиция 130 мың қол жинады.[34] Осыдан кейін 2022 жылғы 11 қаңтарда:
«Кәсіпкерлер мен жалпы қоғамда Оператор РОП компаниясының қызметіне қатысты көптеген сұрақтар туындайды. Бұл жеке компанияға қарсы қоғамдық қозғалыс ұйымдастырылатынына дейін жетті. Үкіметке утиль алымды тоқтату шараларын қабылдауды тапсырамын», - деді президент Қасым-Жомарт Тоқаев.[35]
2022 жылдың қазан айында Парламент тиісті заңдарды мақұлдады. Осылайша, өтініштің басым бөлігі қанағаттандырылды.[36][9]
Бала күтімі бойынша жәрдемақы туралы
Бала күтімі бойынша жәрдемақыны үш жасқа дейін ұзарту туралы петиция 2022 жылдың 18 қаңтарында беріліп, оған 125 мың қол қойылған.[37] 2022 жылдың 1 қыркүйегінде:
«2023 жылдың 1 қаңтарынан бастап біз бала күтімі бойынша төлем мерзімін бір жарым жылға дейін ұлғайтамыз», - деді Қасым-Жомарт Тоқаев.[38]
Осылайша, петиция ішінара қанағаттандырылды.[9]
Украинаның Қазақстандағы елшісі туралы
2022 жылдың 22 тамызында берілген Украина елшісі Петр Врублевскийді жанжалды мәлімдемесіне байланысты депортациялау туралы петиция 42 мың қол жинады.[39] ҚР Сыртқы істер министрлігінің мәліметінше, елші Врублевский қажетсіз адам деп танылды.[40] Украин тарапымен келісім бойынша ол Украинаның Қазақстан Республикасындағы елшісі қызметін тоқтата отырып, Қазақстаннан өз еркімен шақыртылды. Осылайша, өтініш ресми түрде қанағаттандырылмады, бірақ іс жүзінде талаптар орындалды.[41][9]
Алматы қаласы әкімінің қызметінен кетуі туралы
.jpg)
2023 жылдың 6 шілдесінде сайтта Ерболат Досаевты отставкаға кетуге шақырған петиция пайда болды. Петицияны 12 556 адам қолдап, 9 947 адам қарсы болды. Уақыт өте келе отставканы қолдаушылар саны бірнеше минут ішінде азайып, 10 017 адам қарсы дауыс берді. egov.press авторлары Ресейден арнайы бот шабуылы туралы хабарлады.[42][43]
Мүгедектерге арналған жәрдемақы туралы
47 жастағы Жамбыл облысының тұрғыны egov.press сайтында Қазақстан Президентіне мүгедектік жәрдемақысын 100 пайызға көтеруді сұрап петиция жариялады. Петицияға 7 мыңға жуық адам қол қойды. Үндеуге Алматы қаласы мәслихатының депутаты, «Шырақ» мүгедек әйелдер қауымдастығының төрағасы Ләззат Қалтаева жауап беріп, мүмкіндігі шектеулі жандар арасында «тәуелді көңіл-күй» қалыптасқанын айтты.[44]
Біраз уақыттан кейін Қазақстан Президенті Қасым-Жомарт Тоқаев 2023 жылдың 1 қыркүйегінен бастап ерекше қажеттіліктері бар адамдарға берілетін жәрдемақыны 14,5 пайызға арттыруды тапсырды.[45]
Сын және цензура
«Astana TV» телеарнасы egov.press сайтында жарияланған «жалған петициялар» туралы айтып, отандық платформа құруға шақырған репортаж түсірді.[46]
2022 жылы қазақстандық журналист Юрий Масанов өзінің Facebook парақшасында egov.press петиция сайтының жалған екенін айтқан мақала жазды.[47] Бұл мақаланың жарияланғаны туралы сол күні басқа да ақпарат құралдары жазды.[48][49] Біраз уақыттан кейін egov.press сайты 2022 жылдың 20 маусымында Қазақстанда сот шешімімен бұғатталды. Бұғаттаудан кейін egov.press петиция сайты alash.online жаңа доменіне көшті.
2023 жылдың маусымында «Әділ сөз» сөз бостандығын қорғау халықаралық қоры egov.press сайтын Қазақстандағы сөз бостандығының бұзылуы туралы есеп тізіміне енгізді.[50]
Дереккөздер
- ↑ Сайт туралы ақпарат
- ↑ Создают все, кому не лень: стоит ли верить петициям в Казахстане?
- ↑ Петиции на сайте ALASH online практически ни на что не влияют. Так ли это?
- ↑ Proceedings of the 12th International Scientific and Practical Conference «Science and Practice: Implementation to Modern Society»
- ↑ Қазақстанда онлайн-петиция неге нәтиже бермейді?
- ↑ Петиция: айтар датым бар!
- ↑ №14 (8518) 19 ақпан 2022 жыл
- ↑ РЕСПУБЛИКАНСКАЯ МЕЖВУЗОВСКАЯ ЭЛЕКТРОННАЯ БИБЛИОТЕКА
- ↑ a b c d e f Казахстан-спектр. Научный журнал
- ↑ The Shift in Kazakhstan Citizens’ Political Participation: Pre and Post the 2019 Political Transition
- ↑ Stalled scale-up of opioid agonist therapies for HIV prevention in Kazakhstan: history, policy, and recommendations for change
- ↑ Языковая политика Республики Казахстан как механизм конструирования новой национальной идентичности | Южно-российский журнал социальных наук
- ↑ Producing Cultural Change in Political Communities: The Impact of Populism and Extremism on the International Security Environment
- ↑ Проблемы правового регулирования индексации пособий лицам с ограниченными возможностями в Казахстане
- ↑ Egov press - раскачиваем лодку руками наивных
- ↑ Ответ на запрос о посмертной реабилитации будет отпиской – дочь Арона Атабека
- ↑ Ең көп дауыс жинаған петициялар және олар мәселенің шешімі бола алды ма?
- ↑ ПЕТИЦИЯ! КҮН САЙЫН БІР ШАҒЫМ ЖАЗЫЛАДЫ
- ↑ О переименовании города Астаны – столицы Республики Казахстан в город Нур-Султан – столицу Республики Казахстан
- ↑ Специальный отчет «Qazaqstan Shutdown 2022»
- ↑ Токаев согласился переименовать столицу Казахстана обратно в Астану
- ↑ Больше не Нур-Султан. Казахстан вернул столице страны название Астана
- ↑ О переименовании города Нур-Султана – столицы Республики Казахстан в город Астану – столицу Республики Казахстан
- ↑ Kazakstan: Will Nur-Sultan City Be Renamed?
- ↑ Nur-Sultan and Nazarbayev Avenues. Doubtful Intangible Heritage of the First President
- ↑ Начался сбор подписей за возврат столице Казахстана прежнего названия – Астана
- ↑ Инициатива за снижение пенсионного возраста женщин до 55-58 лет в Казахстане
- ↑ «Власти доводят женщин до гнева»
- ↑ Более 800 тысяч подписей собрала петиция за снижение пенсионного возраста казахстанок
- ↑ В Актобе и Алматы прошли митинги за снижение пенсионного возраста для женщин
- ↑ Митинги за снижение пенсионного возраста для женщин проходят в нескольких городах Казахстана
- ↑ В Казахстане предложили снизить женщинам пенсионный возраст из-за пандемии
- ↑ Токаев: Казахстанки будут выходить на пенсию в 61 год
- ↑ На вопрос о петиции казахстанцев по утильсбору ответил министр экологии
- ↑ В связанной с дочерью Назарбаева компании ответили на отмену утильсбора
- ↑ Компания, связываемая с Алией Назарбаевой, лишена права осуществлять утилизационный сбор
- ↑ Какие петиции казахстанцев изменили решения властей
- ↑ Итоги года: создание новых рабочих мест и поддержка молодых предпринимателей, повышение зарплат, пенсий и пособий
- ↑ «Убить как можно больше русских». Посла Украины в Казахстане обвиняют в разжигании межнациональной розни
- ↑ Посла Украины вызвали в МИД Казахстана после слов об убийстве русских
- ↑ Зеленский уволил посла в Казахстане, который сказал, что украинцам «необходимо убить как можно больше русских»
- ↑ «Поток ботов из России»: вокруг акима Алматы Досаева разгорелся скандал
- ↑ Досаев предположил, что за его отставку голосовали боты
- ↑ Тысячи подписей собрала петиция с требованием повысить пособия по инвалидности в Казахстане
- ↑ Токаев поручил с 1 сентября на 14,5% повысить пособия для лиц с особыми потребностями
- ↑ Липовые петиции запускают в Казахстане - журналисты
- ↑ ПЕТИЦИИ В КАЗАХСТАНЕ – ЧТО ПРОИСХОДИТ?
- ↑ Пора сделать официальную площадку для петиций граждан - журналист Юрий Масанов
- ↑ Казахстанский журналист обвинил сайт петиций в накрутке
- ↑ Нарушения свободы слова в Казахстане. Июнь 2023 года