Kombu
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Kombu | |
---|---|
![]() | |
Klasifikasi ngèlmiah | |
Karajan: | Protista |
Dhivisi: | Heterokontophyta |
Klas: | Phaeophyceae |
Ordho: | Laminariales |
Famili: | Laminariaceae |
Génus: | Saccharina |
Spésies: | S. japonica |
Kombu (昆布?) utawi konbu inggih punika ganggang sagara (rumput laut) padatanipun saking spesiès Laminaria japonica ingkang dipunkonsumsi déning tiyang ing nagara-nagara Asia Wétan kados Tiongkok, Koréa lan Jepang [1]. Wonten ing Basa Koréa kawéntar kanthi nama dashima utawi haidai (Tionghoa: 海带; Pinyin: Hǎidài). Ing Jepang, kombu dipun-ginakaken wonten ing masakan Jepang minangka bahan dhasar kaldu ingkang dipunwastani dashi, dipunmasak kaliyan janganan lan daging, utawi dipundamel dedhaharan olahan minangka lawuh. Dashi kombu punika kaldu bening ingkang dipunpendhet saking kombu. Kombu dipunsukakaken ing panci ingkang wonten toyanipun, lajeng dipunmasak dumugi umub, kombu dipunangkat, pungkasan toya asil saking godhogan punika sampun siyap dipun-ginakaken [2]. Kombu ingkang taksih mentah dipunsadé kanthi wujud garing mawi ukuran ingkang béda-béda gumantung regi lan kabetahan. Kombu garing ingkang saé piyambak ingkang dipun-ginakaken wonten ing restoran wonten ingkang dipunsadé kanthi wujud lembaran ingkang dawanipun kirang langkung 1 m dumugi 2 m.
Dhaharan olahan
[besut | besut sumber]Wonten ing kutha Sakai, (Prefektur Osaka) ingkang kawentar minangka pusat pengrajin barang landhep, lumah kombu dipunserut nanging sadèrèngipun dipun-kom ing campuran gula lan cuka. Produk pungkasan serutan tipis kombu kanthi warni putih radi krem dipunwastani oboro kombu ingkang raosipun radi asin lan legi. Oboro Kombu kaginakaken minangka penyedap manéka jinis masakan Jepang ingkang wujud sup bening, dipunsebar ing nginggilipun udon, utawi minangka bungkus onigiri lan baterazushi. Serutan pérangan ireng kombu ingkang kathah kénging campuran gula lan cuka dipunwastani kuroi oboro. Serutan ign pérangan jero kombu ingkang namung sakedhik kénging cuka lan asring dipunanggep minangka pérangan ingkang paling écho dipusebat futo shiro oboro. Pérangan utami kombu ingkang sampun boten dipunserut malih punika dipusebat shiroita kombu lan dipun-ginakaken ing oshizushi.
![](http://upload.wikimedia.org/wikipedia/commons/thumb/6/61/Kelp_candy.jpg/220px-Kelp_candy.jpg)
Kombu ugi dipunproses dados manéka dedhaharan olahan kanggé kancanioun sekul utawi bahan kanggé isi onigiri.
- Shio kombu
- Kombu mawi raos asem-asin ingkang dipuntugel persegi empat, padatanipun dipundhahar kaliyan ngunjuk teh ijo.
- Kombu tsukudani
- Kombu ingkang dipunmasak kaliyan gula, kecap asin, utawi manéka jinis bahan sanèsipun kados jamur shiitake, jamur matsutake, lan iwak teri.
- Nishin (ayu) no kombu maki (ulam hering utawi ulam ayu ingkang dipunbungkus kombu lan dipunolah kanthi cara tsukudani)
- Permen kombu
- Kombu mentah dipunpdhahar minangka sashimi ing Hokkaido
- Su kombu
Spesies
[besut | besut sumber](Nama Jepang lajeng nama binomial)
- Karafuto kombu L. saccharina ngandhut manitol saéngga wonten raso legi.
- Ma-kombu Saccharina Japonica
- Mitsuishi-kombu utawi dashi-kombu L. angustata ingkang kaginakaken kanggé damel dashi
- Naga-kombu L. longissima
- Rishiri-kombu Saccharina ochotensis ingkang kaginakaken kanggé damel kaldu sup.
Cathetan suku
[besut | besut sumber]- ↑ Kombu Archived 2013-02-08 at the Wayback Machine., (dipunakses tanggal 14 Fèbruari 2013)
- ↑ Rumput laut yang bergizi[pranala mati permanèn], (dipunakses tanggal 14 Fèbruari 2013)
Davidson, Alan. Oxford Companion to Food (1999), "Kombu", p. 435 ISBN 0-19-211579-0