Cepokak

Cepokak
Klasifikasi ngèlmiah
Karajan:	Plantae
Unranked:	Angiosperms
Unranked:	Eudicots
Unranked:	Asterids
Ordho:	Solanales
Famili:	Solanaceae
Génus:	Solanum
Spésies:	S. torvum
Jeneng binomial
	Solanum torvum; Sw.

Cepokak (Solanum turvum Swartz)^[1] ya iku tuwuhan saka suku térong-térongan (Solanaceae) kang woh lan winihé bisa digunakake kanggo sayuran utawa bumbu.

Dhèskripsi

Cepokak yaiku tuwuhan semak cilik kang dhuwure bisa nganti 5 meter. Ananging, dhuwure cepokak lumrahe kurang saka 2 mèter. Mèh kabèh pérangan tuwuhan iki mawa eri, kajaba wohé (mawa wulu alus). Wangun godhonge bunder endhog kanthi bentuk pok kaya déné jantung utawa mbunder lan pucuké kethul. Dawané godhong watara 7-20 cm lan jembaré 4-18 cm. Kembangé kaya déné lintang arupa putih lan tengahé kuning.

Pasebaran lan habitat

Spesies iki sumebar ing Antillen, ananging saiki wis sumebar ing saindhenging laladan mawa iklim tropis. Ing Indonesia, cepokak tuwuh alasan ing alas-alas semak lan alas-alas kabuka. Cepokak tuwuh ing dataran cendhak nganti kadhuwuran 1600 mdpl.

Kagunan

Wit cepokak misuwur minangka wit kang tahan penyakit saéngga lumrah dianggo watang ngisor kanggo wit terong.

Saliyané iku, woh cepokak uga lumrah dipangan wong Asia Kidul-Wetan.

Rujukan

↑ "Archive copy". Diarsip saka sing asli ing 2012-07-28. Dibukak ing 2013-01-08.{{cite web}}: CS1 maint: archived copy as title (link)

[internet1-1] "Archive copy". Diarsip saka sing asli ing 2012-07-28. Dibukak ing 2013-01-08.{{cite web}}: CS1 maint: archived copy as title (link)

[1]