Incheon
Kutha Metropolitan Incheon | |
---|---|
Lokasi | |
Jeneng basa Korea | |
Hangul: | 인천 광역시 |
Hanja: | 仁川廣域市 |
Alihaksara Anyar: | Incheon Gwang-yeoksi |
McCune-Reischauer: | Inch'ŏn Kwang'yŏksi |
Data lan statistik(2009) | |
Jembar: | 986,96km² |
Pedunung: | 2.728.431 jiwa |
Kapadhetan: | 2.689 jiwa/km² |
Pamérangan administratif: | 8 gu, 2 gun |
ISO 3166-2: | KR-28 |
Situs resmi: | http://www.incheon.go.kr |
Incheon inggih punika satunggaling kutha metropolitan lan pelabuhan utama wonten ing pesisir kulon Korea Kidul. Mapanipun kanthi astronomis 37°29′ LU 126°38′ BT. Kutha paling ageng angka 3 wonten ing Koréa Kidul saksampunipun Seoul lan Busan ingkang gadhah populasi langkung saking 2,6 yuta jiwa. Incheon punika kutha ingkang wigati ingkang gadhah kagunan dados kutha pelabuhan lan ugi transportasi wonten ing Asia lor-wetan. Bandar Udara Internasional Incheon dipunbikak nalika taun 2001 lan sampun dados salah satunggal bandar udara ingkang saé piyambak wonten ing donya.
Incheon punika kalebet salah satunggal tuan rumah Piala Donya FIFA 2002. Wonten ing bidang ekonomi, Incheon punika salah satunggaling kutha wigati saking kalih Zona Ekonomi Bebas Koréa Kidul. Incheon punika dados zona bisnis lan finansial sareng kaliyan Zona Ekonomi Bebas Busan-Jinhae.
Wewengkonipun Incheon punika gadhah 42 pulau ingkang wonten pendudukipun lan 112 ingkang boten wonten pendudukipun. Pulau-pulau utama dipunsambetaken kaliyan kreteg, ing antawisipun Pulau Yongyu, Yeongheung lan Seonjae. Pulau-pulau ingkang langkung tebih ing antawisipun Pulau Baengnyeong, Yeonpyeong lan Daecheong. Pantai-pantai wonten ing sakiwa tengenipun Incheon punika dados objek panaliten lan wisata kadosdene rekreasi, langi, mancing lan siram lumpur.
Nalika Perang Korea kedadosan, kathah tiyang ingkang ngungsi saking Hwanghae ingkang pindhah dhateng Incheon dumugi samenika seni lan budaya khas Korea sisih lor tasih ing wilayah Eunyul Talchum (sendratari topeng Eunyul) lan lagu rakyat saking wewengkon kulon (Seodo Sori).
Minangka papan kanggé mlebet dhateng Koréa ingkang dipunbikak wonten ing periode Joseon, Incheon punika gadhah manéka tilaran sejarah saking jaman wau. Incheon punika satunggaling kutha wonten ing Koréa ingkang gadhah pecinan. Tiyang Tionghoa ingkang sapisan mlebet dhateng Incheon wiwit saking 1800-an, wiwit Koréa wiwit tinarbuka marang donyaning njawi. Pecinan Incheon punika mapan wonten ing distrik Seollin-dong ingkang dipunagem déning warga Tionghoa generasi kaping 2 utawi kaping 3.
Sejarah
[besut | besut sumber]Incheon punika sampun dados papan kanggé manggen, inggih punika wiwit saking jaman Neolitik. Wonten ing cathetan sejarah, Incheon punika sapisan dipunggeni wonten ing periode kerajaan Baekje tahun 19 SM. Asmanipun kala punika Michuhol. Nalika mangsa Dinasti Goryeo (918-1392), wewengkon punika statusipun dipunmindhakaken dados Gyeongwon-bu. Kathah ratu-ratu Goryeo miyos wonten ing mriki. Wonten ingperiode Dinasti Joseon,mliginipun tanggal 15 Oktober 1413, ing mangsa pamarentahanipun Raja Taejong, dipunmindhakaken dados Kabupaten Incheon. Wonten ing periode ingkang kaping enem mangsa pamarentahanipun Raja Sejo (1455-1468), status Kabupaten Incheon dipunmindhakaken dados Incheon. Ing pungkasan periode Joseon, Incheon punika dados kutha pelabuhan ingkang anama Jemulpo. Jemulpo punika ngrembaka kanthi rikat amargi papanipun wonten ing muara (Korea)|Kali Han ingkang ndadosaken papan punika dados pelabuhan ingkang alami.Nalika pelabuhan Incheon dipunmadegaken ing taun 1883, populasinipun punika namung 4.700 jiwa.
Jemulpo punika gadhah peran minangka papan kanggé mlebetipun tiyang ingkang sadean (pedagang) lan tiyang asing dhateng Koréa. Ing samenika ugi jaringan telepon lan sepur sapisan dipundamel wonten ing Koréa. saksampunipun penjajahan Jepang rampung, statusipun dados kutha otonomi. Ing taun 1960-an lan 1970-an kutha punika dados salah satunggaling pusat industri wigati. Lajeng, ing taun 1981 dipundadosaken pamarentah minangka kutha khusus. Ing taun 1995, Kabupaten Ganghwa, Gimpo, Tongjin lan Kecamatan Geomdan merger kaliyan Incheon, nambahi wiyar lan cacahing penduduk kutha punika. Samenika saben tanggal 15 Oktober dados pengetan dinten madegipun kutha Incheon.
Ganghwa
[besut | besut sumber]Pulau Ganghwa ingkang merger kaliyan Incheon nalika taun 1995 dipunmangertosi minangka pulau ingkang ngandhut sejarah ugi pikantuk jejuluk "museum tanpa témbok". Pérangan kasebat amargi kathah manéka tilaran sejarah ingkang wonten ing pulau wau. situs ingkang paling sepuh dipunyakini minangka tilaran Dangun, tiyang ingkang madegaken negeri Koréa ing jaman Kuno, inggih punika altar kurban ingkang anama Chamseongdan. Kejawi punika ing jaman Dinasti Goryeo, Ganghwa punika dipundadosaken ibukota darurat nalika wonten serangan saking bangsa Mongol. Ing pulau punika wonten kuburanipun Hongneung nun inggih garwa Raja Gojong (jumeneng 1215-1259), raja kaping 23 Goryeo, dipunsarekaken.
Pameragan administratif
[besut | besut sumber]Incheon punika kaperang dados 8 distrik ("Gu") lan 2 kabupaten ("Gun").
- Bupyeong-gu (부평구; 富平區)
- Dong-gu (동구; 東區)
- Gyeyang-gu (계양구; 桂陽區)
- Jung-gu (중구; 中區)
- Nam-gu (남구; 南區)
- Namdong-gu (남동구; 南洞區)
- Seo-gu (서구; 西區)
- Yeonsu-gu (연수구; 延壽區)
- Ganghwa-gun (강화군; 江華郡)
- Ongjin-gun (옹진군; 甕津郡)
Transportasi
[besut | besut sumber]Kapal feri antawisipun Incheon kaliyan pelabuhan utama ing Republik Rakyat Tiongkok.
Incheon punika gadhah 1 jalur mkereta api ngandhap lemah ingkang namanipun Incheon Subway ingkang badhe dipunwiyaraken.
Kutha kembar
[besut | besut sumber]Burbank, Amérika Sarékat (1961)
Philadelphia, Amérika Sarékat (1983)
Anchorage, Amérika Sarékat (1986)
Kitakyushu, Jepang (1988)
Tianjin, Tiongkok (1993)
Hai Phong, Vietnam (1997)
Kota Panama, Panama (2000)
Tel Aviv, Israel (2000)
Iskandariyah, Mesir (2000)
Honolulu, Amérika Sarékat (2003)
Chongqing, Tiongkok (2007)
Mérida, Meksiko (2007)
Kolkata, India (2007)
Manila, Filipina (2008)
Chiang Mai, Thailand (2014)
Pirsani ugi
[besut | besut sumber]Pranala njawi
[besut | besut sumber]- Situs resmi
Wikiplesir duwé panuntun plesir ngenani Incheon. - Open Directory kategori Archived 2005-02-08 at the Wayback Machine.
- Halaman Galbijim Wiki yang Incheon
- Pamérangan administratif Koréa Kidul
-
Mligi: Seoul Metropolitan: Busan | Daegu | Daejeon | Gwangju | Incheon | Ulsan Provinsi: Chungcheong Lor | Chungcheong Kidul | Gangwon | Gyeonggi | Gyeongsang Lor | Gyeongsang Kidul | Jeju | Jeolla Lor | Jeolla Kidul