Anita Mui
Anita Mui Yim-fong (Hanzi tradhisional: 梅艷芳, Hanzi prasaja: 梅艳芳; 10 Oktober 1963-30 Dhésèmber 2003) iku penyanyi lan aktris saka Hong Kong, dhèwèké ninggal yuswa nalika taun 2003 amarga lelara kanker. Anita Mui miwiti kariré saka panggung opera lan dadi penyanyi ing club wengi.[1] Banjur dhèwèké olèh bebungah New Talent Singing Awards amarga tembang kang irah-irahé Season of Wind bisa nyisihaké 300 saingané nalika acara lomba nyanyi.[1]
![](http://upload.wikimedia.org/wikipedia/jv/5/5d/Anita_Mui.jpg)
Dhèwèké iku wanita kang kerep ngrasake rekasa amarga kulawargané. Album kang pisanan saka Anita Mui irah-irahe Debts of the Heart (1982).[1][2] Mui ninggal donya taun 2003 amarga lelara kanker, ning sak suwené urip dhèwèké kacatet wis tau ngrilis punjul 40 album.[2] Album kang pungkasan, Anita Mui Fantasy GIG 2002 diterbitake taun 2002, pirang sasi sadurungé ninggal dunya.[2] Sadurungé ninggal dunya, sasi September tuan 2003, Anita Mui sempet mbiwara manawa dhèwèké duwé lelara kanker kang wis akut.[1][2] Mui ing uripé kekancanan akrab karo bintang filem Leslie Cheung, Andy Lau lan para artis-artis Hong Kong liyané kang dianggap lambang génerasi 80-an.[1]
Sawetara dadi aktris, ing donya filem Mui wis tau mbintangi pirang-pirang filem kang sukses bisa nembus pasar Asia lan dunya, kaya ta filem House of Flying Daggers.[1] Film kang kondhang jejudulé The Heroic Trio (1993) kang dibintangi bebaregan karo Michelle Yeoh lan Maggie Cheung.[1] Dhèwèké uga tau tampil ing filem bebarengan karo Jackie Chan ing filem Rumble in the Bronx (1995).[1]
Saiki kanggo ngelingi aksi saka Anita Mui, para panggemaré iki ndeklarasikaké manawa tanggal 18 April iku dadi Anita Mui Day.[1]