Dhiodha
Dhiodha mujudake jinis komponen pasif.[1] Dhiodha mujudake sawijining semikonduktor kang nduwé rong terminal piranti kang nuduhake karakteristik arus tegangan non linier [2]
Dhiodha nduwé rong sikil utawa kutub, ya iku sikil anoda lan katoda.[1] Dhiodha kagawé saka bahan semikonduktor tipe P lan semi konduktor tipe N kang disambungake dadi siji.[1] Semi Konduktor tipe P gunane kanggo anoda, lan semi konduktor N gunane kanggo katoda.[1]
Miturut bahan semi konduktor kang dianggo ing proses nggawéne, dhiodha dibedakake dadi rong jinis, ya iku:
- Dhiodha Silikon, ya iku dhiodha digawé saka silikon.[1]
- Dhiodha germanium, ya iku dhiodha kang digawé saka bahan germanium.[1]
jinising dhiodha lan panganggone:
- Dhiodha Silikon. Dhiodha silikon padatan dianggo ing piranti catu daya minangka piranti penyearah arus, piranti kanggo ngamanake tegangan kejut, lan sapanunggale.[1] Tuladhane ya iku 1N4001, 1N4007, 1N5404, lan sapanunggale.[1]
- Dhiodha Zener. Dhiodha zener dianggo kanggo matesi utawa ngatur tegangan.[1] Tuladhane ya iku zener 6.2 volt, zener 3.2 volt, lan sapanunggale.[1]
- Dhiodha Bridge. Dhiodha Bridge ya iku dhiodha kang didadekake siji dadi rangkean uwot utawa jembatan (bridge).[1] Dhiodha iki akèh dianggo ing piranti catu daya minangka penyearah gelombang penuh.[1] Tuladhane ya iku B40C800, kiprox ing motor, lan sapangunggale.[1]
Cathetan suku
| Artikel iki minangka artikel rintisan. Kowé bisa ngéwangi Wikipédia ngembangaké. |