[[Gambar:Flag of Midi-Pyrénées.svg|thumb|Salib Occitan, simbol Toulouse lan budaya Occitan lainé]]
'''Toulouse''' (Tolosa ing basa [[Occitan]]) iku kutha ing kidul-kulon [[Prancis]] dumunung ing gisiking [[Kali Garonne]], ana ing satengah dalan antara [[Samudra Atlantik]] lan [[Segara Mediterania]]. Amarga populasi cacahé 1,05 yuta jiwa ing taun 2004, laladan metropolitan Toulouse minangka kutha gedhé dhéwé kapindho ing [[Prancis]] kidul minangka salah siji sing tuwuh paling rikat ing [[Éropah]]. Toulouse minangka basis indhustri pamaburan ing [[Éropah]] dadi papan markas [[Airbus]]. Toulouse iku mantan kutha krajan provinsi [[Languedoc]] (sistem provinsi dibusak sesuwéné [[Revolusi Prancis]]). Saiki minangka kutha krajan laladan (région) [[Midi-Pyrénées]], région gedhé dhéwé ing Prancis ananging mung setengah ukuran provinsi sing mbiyèn [[Languedoc]]. Saliyané iku, Toulouse uga déadi préfecture (kutha krajan) département [[Haute-Garonne]]. Kutha iki uga dadi papan [[Académie des Jeux Floraux]], sing sajajar karo [[Akademi Prancis]] kanggo laladan pertuturan [[Occitan]] ing[Prancis kidul, agawé Tolouse dadi kutha krajan ora resmi kanggo kabudayan [[Occitan]]. [[Salib]] tradhisional [[Occitan]] diadhopsi dadi simbol kutha Toulouse lan laladan [[Midi-Pyrénées]]. Toulouse duwé kutha kembar ya iku:[[Atlanta]] ([[Amérika Sarékat]]), [[Chongqing]] ([[Républik Rakyat Cina]]), [[Tel Aviv]] ([[Israèl]]), [[Kiev]] ([[Ukraina]]), [[Bologna]] ([[Italia]]), lan [[Elche]] ([[Spanyol]]).
