Afróasísk tungumál
(Endurbeint frá Afróasísk mál)
| Afróasísk tungumál | ||
|---|---|---|
| Ætt | Ein helsta tungumálaætt heims | |
| Frummál | Frumafróasíska | |
| Undirflokkar | Berbískt Egypskt Kúsískt Ómótískt Semískt Tjadískt | |
| ISO 639-5 | afa | |
| ||
| Dreifing afróasískra mála | ||
Afróasísk tungumál eru stór ætt um það bil 300 tungumála og mállýskna. Um það bil 350 milljón manns tala afróasísk tungumál og því hefur ættin fjórða stærsta mælendafjölda allra tungumálaætta (á eftir indóevrópskum, sínó-tíbeskum og nígerkongótungumálum).
Ættin skiptist í sex greinar: berbískt, egypskt, kúsískt, ómótískt, semískt ogtjadískt. Afróasísk tungumál eru töluð í Austurlöndum nær, Norður-Afríku og stórum hlutum norðaustur- og Mið-Afríku.
Langstærsta mál afróasísku ættarinar er arabíska, sem er þar að auki stærst semískra mála. Meðal stærri afróasískra tungumála eru amharíska, haúsa, hebreska, orómó, sómalíska og tígrinja. Til viðbótar tilheyra nokkur fornmál afróasísku ættinni, svo sem akkadíska, biblíuhebreska og fornegypska.
