Guanahani

Guanahaní, einnig nefnd Watlingseyja og áður kölluð San Salvador, er eyja í eyjaklasanum Bahamaeyjum. Guanahaní er 21 km að lengd og 8 km að breidd. Sagan segir að eyjan sé fyrsti lendingarstaður Kristófers Kólumbusar, þann 12. október 1492. Kólumbus gaf eynni nafnið San Salvador í stað Guanahaní, sem er nafn innfæddra Taínóa fyrir eyjuna. Guanahaní varð fyrir mikilli fólksfækkun vegna þrælkunar og nauðungarflutninga á frumbyggjum eyjarinnar. Bandaríkjaher kom til eyjarinnar í seinni heimstyrjöldinni. Í dag er litið á Guanahaní sem ferðamannaparadís.