Alin

Alin eða öln er forn mælieining. Alin (ft. álnir) er mismunandi eftir löndum og tímabilum innan hvers lands. Upphafleg lengdareining á Íslandi var lögalin, sem var 19 danskir þumlungar eða um 48 sentimetrar að lengd. Í byrjun sextándu aldar var tekin upp Hamborgaralin, sem var 22 þumlungar eða um 57,8 sentimetrar að lengd, en árið 1776 var dönsk alin löggilt hér á landi með konunglegri tilskipun. Var hún 24 þumlungar eða 62,8 sentimetrar að lengd.

Alin er mælieining sem miðast við handlegginn, frá olnboga fram á fingurgóma

Alin hefur þannig verið mismunandi og sömuleiðis þær einingar sem byggja á alin. Í hverri alin eru tvö fet og hvert fet er tvö kvartil. Um 1200 var stikumálið leitt í lög. Stika var jöfn tveimur fornum lögálnum eða um 98 sm.

Heimildir

• Frumvarp til laga um vog, mál og faggildingu (1992)

Tenglar

• „Hvað er landfræðileg alin?“. Vísindavefurinn.
• „Hvað er danskt fet margir sentimetrar?“. Vísindavefurinn.
• Tugamál og tugavog, Ísafold, 54. tölublað (05.08.1899), Bls. 213
• Um hina fornu íslensku alin; grein í Árbók Hins íslenzka fornleifafélags 1910
• Álnir og kvarðar. – Árbók Hins íslenzka fornleifafélags, Megintexti (01.01.1968), p. 45-78

  Þessi stærðfræðigrein er stubbur. Þú getur hjálpað til með því að bæta við greinina.