Marala nivelo

Plako en la choseo inter Ierusalem e la Mortinta maro indikas marala nivelo relate Mediteraneo.

Marala nivelo esas la mezavalora nivelo de la surfaco dil oceano, uzata por mezurar l'altitudo en ula loko o geografiala saliajo, exemple monto. Pro ke la nivelo di la maro ne esas konstanta pro la marei, e ne esas la sama en omna oceani, singla lando adoptas predeterminita nivelo de ula specifika loko e specifika epoko por mezurar l'altitudi.

La marala nivelo varias segun historiala epoko, exemple dum la lasta glacial epoko la nivelo di la mari esis plu basa kam nun, e kelka regioni nun submersita jacis super la marala nivelo. Kelka regioni de la Tero jacas sub la marala nivelo, exemple la zoni proxim la Mortinta maro en Israel, o kelka regioni de Nederlando.