Iono
Iono esas atomo o grupo de atomi kun elektrala charjo produktita per ganajo o perdajo di negativa-charja elektroni.
Kristali de ionala kompozuri konsistas ek pozitiva e negativa ioni aranjita alternative en treliso e kunligita per elektrala atrakto.
Ioni formacesas en gasi per radio od elektrala descharjo, ed existas en l'ionosfero (videz anke atmosfero).
Ye tre alta temperaturi, la gasi formacas plasmo, quo konsistas ek ioni e libera elektroni.
Aniono esas iono kun negativa charjo, quo iras a anodo lor elektrolizo di solvuro. Ol esas ofte bazo.
Kationo esas iono kun pozitiva charjo, maxim ofte de metalo, quo iras a katodo lor elektrolizo.
La mezuro di elektrala kondukteso di solvo permisas estimar lua bruta ionala konteno.
L'aquo dil oceani, qua konstitucas la maxim importanta aquala rezervo di tero, esas richa en ioni:
| Proxima koncentreso di precipua ioni di ordinala mar-aquo | ||||||||||
| Ioni | Cl– | Na+ | SO42– | Mg2+ | Ca2+ | HCO3– | Br– | CO32– | Sr2+ | F– |
| mg/l | 19000 | 11000 | 2700 | 1300 | 420 | 110 | 73 | 15 | 8,1 | 1,3 |