Marala piloto

Marala piloto esas maristo qua havas specala savo pri ofte danjeroza o multe uzata aquovoyo, quala portuo o rivero-ekflueyo.

Marala piloti savas lokala detali quala profundeso, kurenti e danjeri. Li abordas e provizore adheras la kruo por sekure guidar la paso dil navo, do li mustas anke havar experteso pri guvernar navi de omna tipi e grandesi. Obtenar la titulo "marala piloto" postulas licenco o permiso da oficala piloto-autoritato.

Tipale, la piloto abordas envenanta navo ante l'eniro dal navo aden la neprofunda aquo ye la indikata "abordeyo" per helikoptero o piloto-batelo e klimas la piloto-skalo, keklafoye til 12 metri, al ferdeko dil maxim granda navi. Ante klimar la piloto-skalo, la piloto facas vidal inspekto dil abordo-aranjuro por konfirmar ke ol esas sekure uzebla ed akordas kun internaciona reguli.