Fernão de Magalhães

Fernão de Magalhães (en Hispaniana, Fernando de Magallanes, 1470 til 1521) esis Portugalana navigisto qua deskovris "Stretajo di Magalhães"; la paseyo inter Atlantiko e Pacifiko.

Magalhães naskis ye 1470 en Sabrosa, Portugal, kom membro di nobela familio. En 1510 il esis promocata kom kapitano. En 1513, kande il esis en-garnizonigata en Maroko, il esis vundata ed esos kripla dum sua tota vivo. Il pregis la dinastio portugalana por pekunio-subvencio. Kande ca esis refuzata, il preterlasis sua nacionaleso ed ofris sua servado al hispana rejo.

Magalhães konvinkis la rejo por financizar expediciono naviganta adweste por serchar nova voyo a Fora-Oriento. Hispania precipue aceptis ilua propozo pro ke la portugalani dominacis la voyo estala ad India.

Magalhães foriris kun kin navi de Sanlucar de Barrameda ye 20 di septembro 1519 ed atingis l'estuario di Plata fluvio (Río de la Plata) (en nuna Arjentinia) ye 31 di marto 1520.

Ibe il esis ankragata dum sis monati. Il transvivis rebelesko e segl-iris adsude e deskovris mar-stretajo sud-Patagonia. Pos 38 dii il atingis oceano quan il nomis Pacifiko pro la kalmeso dil maro. Ye 28 di novembro restis tri navi qui transvivis la voyajo.

Dum la pasajo di Pacifiko, Magalhães anke deskovris Mariani e Filipini. Ye 7 di aprilo il atingis Cebu ube il helpis la regno lokala kun ilua batalio kontre la regno di Mactan.

Magalhães mortis ye 27 di aprilo 1521. La du restanta navi atingis, guidata da Juan Sebastián Elcano, ye 6 di septembro 1522 a Hispana urbo Sevilla.