Videz la fonto/fonti por Saint Paul, Minnesota

{{Urbi
| Nomo             = Saint Paul
| Blazono          = Seal of Saint Paul, Minnesota.gif
| Flago            = Flag of Saint Paul, Minnesota.svg
| Imajo            = Saint_Paul_Photo_Collage.jpg
| TextodilImajo    = Kelk imaji pri Saint Paul.
| Mapo             = MNMap-doton-Saint-Paul.png
| Shablono_lando   = {{USA}}
| Regiono          = 
| Tipodisubdividuro= [[Stati di Usa|Stato]]
| Regiono2         = [[Minnesota]]
| Fondita ye       = 1854
| Fondita da       = Pierre "Pig's Eye" Parrant
| Urbestro         = Melvin Carter (DFL)
| Latitudo         = 44°56'39"N
| Longitudo        = 93°05'35"W
| Altitudo         = 240
| Surfaco          = 145,31
| Habitanti        = {{formatnum:311527}}
| Yaro             = 2020
| Denseso di habitantaro = 2314,32
| Chefurbo         = Washington DC
| Disto            = 1546
| Horala_zono      = -6<br><small>(UTC -5 dum la somero)</small>
| Reto             = http://www.stpaul.gov/
}} 
[[Arkivo:Saint paul mn.jpg|thumb|280px|left|Centro di Saint Paul, Minnesota.]]
'''Saint Paul''' esas chef-urbo e la duesma maxim populoza urbo de [[Minnesota]], [[Usa]], dop [[Minneapolis]]. Ol esas la sideyo dil komtio Ramsey. Segun la [[demografiala kontado]] di 2020, ol havis {{formatnum:311527}} habitanti. Lua tota [[surfaco]] esas 145,31 [[quadrata kilometro|km²]], equivalanta a 56,1 [[quadrata milio|mi²]], di qui  134,61 km² (51,97 mi²) esas lando, e la cetera surfaco kovresas per aquo.

Ensemble kun Minneapolis ed altra vicina urbi, ol apartenas a la [[metropolala regiono]] Minneapolis-Saint Paul, qua havas plu kam 3,6 milion habitanti.

== Historio ==
[[Arkivo:Indian_Mounds_park.jpg|thumb|280px|left|Sepultala kolino che parko ''Indian Mounds''.]]
La regiono ube jacas Saint Paul ja habitesis dal indijeni ''Hopewell'' du mil yari ante nun. De la [[17ma yarcento]] til [[1837]] la regiono habitesi dal [[populo Sioux|Sioux]] de la tribuo ''Mdewakanton Dakota'', qui habitis la kolini proxim la nuna urbo.

Saint Paul komencis dum frua [[19ma yarcento]] kande kompristi, exploristi ed altri venis por esar en la bone-protektita Fort Snelling. Dum la [[yari 1820a]] l'areo divenabis importanta centro por komercisti e personi iranta weste. St. Paul divenis urbo en [[1854]] ed en [[1858]] Minnesota eniris l'uniono kom la [[Stati di Usa|32ma stato]].

Ye la [[20ma di agosto]] [[1904]], l'urbo subisis forta tempesti e [[tornado|tornadi]], qui destruktis centi di edifici e produktis 1.78 milion dolari ($46.72 milion en nuna valori) en domaji. Dum la [[yari 1960a]] komencis demoliso di quarteri weste del centro dil urbo por rinovigo urbala e konstrukto di moderna autochosei. De 1959 til 1961, quartero Rondo demolisesis por konstruktar choseo ''Interstate 94''.

La konstrukto di la maxim alta [[cieloskrapero|cieloskraperi]] dil urbo komencis dum la yari 1970a. En parto ek l'urbala zono existas restrikti pri altajo di edifici, pro proximeso kun l'[[aeroportuo]]. La maxim alta edifici di Saint Paul konstruktesis dum la yari 1980a. Dum la yari 1990a e 2000a nova grupi di imigranti komencis arivar al urbo, nome individui del etnio Hmong, de [[Laos]], [[Kambodja]], [[Vietnam]], [[Tailando]] e [[Myanmar]].

== Geografio ==
[[Arkivo:20080312-StPaulDowntownAirport.jpg|thumb|left|280px|Aeral imajo pri Saint Paul e lua [[aeroportuo]].]]
La [[reliefo]] di Saint Paul esas plana, jacanta an la rivi dil [[fluvio Mississippi]], proxim la loko ube rivero Minnesota debushas an ol. La mezavalora [[altitudo]] dil urbo esas 214 metri.

La klimato di Saint Paul esas kontinentala humida, ''Dfa'' segun la [[klimatala klasifikuro da Köppen]], tipala de tale nomizita "meza westo" di Usa. [[Vintro|Vintri]] esas kolda e nivoza, kontre ke [[somero|someri]] esas milda til varma, e humida. La mezavalora [[temperaturo]] en januaro esas -8,7°C, kontre ke la mezavalora temperaturo en julio esas 22,9°C.

La pluvoza sezono iras de aprilo til oktobro. La mezavalora yarala [[pluvo-quanto]] esas 742 mm, e la maxim pluvoza monato esas junio, kun mezavalore 118 mm.

== Demografio ==
Segun [[demografiala kontado]] di [[2000]] l'urbo havis {{formatnum:287511}} habitanti, {{formatnum:112109}} hemanari, e {{formatnum:60987}} familii. La [[denseso di habitantaro]] esis 2101,0/km² (5441,7/mi²).  Esis {{formatnum:115713}} domi kun mezvalora denseso di 846.6/km² (2,192.8/mi²).  Segun raso, esis 67.02% Blanki, 11.71% Negri od [[Afrikan-Usani]], 1.13% indijeni Amerikana, 12.36% Aziani (multa de [[Vietnam]]), 0.07% Pacifik-insulani, 3.84% de altra rasi, e 3.87% mestici de du o plura rasi. De la habitantaro, 7.91% esas Hispan-Amerikani o Latin-Amerikani de irga raso.

Esis 112.109 hemanari di qui 29.1% havis pueri evante min kam 18 yari en la domo, 36.1% esis mariajita e habitis kune, en 13.9% mulieri sen spozulo esis la domo-chefo, e 45.6% esis ne-familii. En 35.9% de omna hemanari vivis unika sola individuo, e 9.4%  habitesis da singla individuo evante 65 yari o pluse. La mezvalora grandeso po hemanaro esis 2.46 e la mezvalora grandeso po familio esis 3.32 personi.

La procento di habitanti segun evo esis: 27.1% evante min kam 18 yari, 12.5% de 18 til 24 yari, 32.0% de 25 til 44 yari, 18.0% de 45 til 64 yari, e 10.3% evanti 65 yari o pluse. La mezvalora evo esis 31 yari. Po singla 100 mulieri esis 93.6 homuli. Po singla 100 mulieri evante 18 yari o pluse, esis 89.5 viri.

La mezvalora revenuo po hemanaro en la urbo esis $38,774, e la mezvalora familiala revenuo esis $48,925. La mezvalora revenuo por la viri esis $35,111 kontre $29,432 por la mulieri. La revenuo ''per capita'' por la urbo esas $20,216. Vivis sub la [[povreso-lineo]] 15.6% de la habitantaro e 11.7% de la familii, inkluzite 23.2% ek omna habitantaro evante min kam 18 yari, e 9.7% ed ek omna habitantaro evante 65 yari o pluse.

== Guvernerio ==
[[Arkivo:MN_Governor's_Residence_at_blue_hour.jpg|thumb|left|280px|Oficala rezideyo dil guvernisto di Minnesota.]]
[[Arkivo:Minnesota State Capitol.jpg|thumb|280px|Sideyo dil legifala povo di Minnesota.]]
La chef-exekutivo e la chef-administranto di Saint Paul esas l'urbestro, kontre ke la 7 membri del urbala konsilistaro esas la legifala povo dil urbo. La nuna urbestro esas Melvin Carter (DFL).

Saint Paul esas la chef-urbo dil stato [[Minnesota]]. Ibe jacas la sideyo di la duchambra [[legifala povo]] dil stato, konsistanta ek Domo di Reprezentanti kun 134 membri, e la Senato dil stato, kun 67 membri. L'oficala rezideyo dil guvernisto di Minnesota (''Governor's Residence'') anke jacas en Saint Paul, che avenuo Summit, 1006.

== Fratala urbi ==
Yen la fratala urbi di Saint Paul:<ref>{{extera ligilo |titulo=Sister Cities and States of Minnesota|url=https://mn.gov/deed/business/exporting/about/sisters.jsp|editero=mn.gov|autoro=Minnesota Department of Employment and Economic Development}}</ref><ref>{{extera ligilo|url=https://www.twincities.com/2019/05/10/st-paul-mn-adds-a-new-sister-city-mogadishu |titulo=St. Paul adds new sister city, Mogadishu. About a dozen others have that designation|editero=Twin Cities Pioneer Press |publikigita ye=10ma di mayo 2019}}</ref>
{|
|- style="vertical-align: top;"
|
* [[Changsha]], {{CHN}}
* Ciudad Romero, {{SLV}}
* [[Culiacán Rosales]], {{MEX}}
* [[Djibouti]], {{DJI}}
* George, {{ZAF}}
* [[Manzanillo]], {{MEX}}
</td><td valign=top>
* [[Modena]], {{ITA}}
* [[Mogadishu]], {{SOM}}
* [[Nagasaki]], {{JPN}}
* [[Neuss]], {{DEU}}
* [[Novosibirsk]], {{RUS}}
* [[Tiberias]], {{ISR}}
|}

== Referi ==
{{Commonscat|Saint Paul, Minnesota}}
{{reflist}}

{{chef-urbi di Usana stati}}
[[Kategorio:Urbi en Minnesota]]