Kosmoprobilo
Kosmoprobilo esas spaconavo sen kruo uzata por explorar ed studiar altra planeti, sateliti, asteroidi o kometi. Ordinare, kosmoprobili havas ikonometri, fotografili ed altra rekursi por obtenar fizikala e kemiala informi pri la studiita cielala korpo e transmisar ta informi a Tero.
![](http://upload.wikimedia.org/wikipedia/commons/thumb/d/d2/Voyager.jpg/200px-Voyager.jpg)
L'unesma kosmoprobilo dil historio esis Luna 1, lansita ye 2 di januaro 1959 da Sovietia por studiar Luno. Luna 1 fotografis Luno e deskovris ke ol ne havis magnetala feldo. Pro un eroro en la tempo di bulo di lua fuelo ol ne eniris en orbito di Luno, inverse ol eniris heliocentral orbito. Ye 24 di septembro 1970 Luna 16 divenis l'unika Sovieta spaconavo ke sucesoze obtenis e sendis exemplero di lunala sulo a Tero.
Dum la yari 1970a, Usa lansis misioni Pioneer 10 e Pioneer 11 por explorar Jupitero e Saturno. Lu deskovris luni de ta planeti nekonocita til ta epoko. Ye 1976 Pioneer 10 krucumis l'orbito di Saturno ed ye 1979 ol krucumis l'orbito di Urano. Lua misiono finis oficale ye 31 di marto 1997 kande ol atingis 67 astronomiala unaji de Suno.