Wp/lus/Liangkhaia
No edit summary |
No edit summary Tags: Manual revert Visual edit |
||
(8 intermediate revisions by 5 users not shown) | |||
Line 1: | Line 1: | ||
{{Wp/lus/enbawkla|Mizo thuhlaril|Zo Lungthu Pathumte}} |
{{Wp/lus/enbawkla|Mizo thuhlaril|Zo Lungthu Pathumte}} |
||
{{Wp/lus/ |
{{Wp/lus/ziakmichanchin |
||
|hming=Liangkhaia |
|hming=Liangkhaia |
||
|laiahhming=Hrangchìna |
|||
|thlalâk=Liangkhaia.jpg |
|||
|thlalâk |
|thlalâk= |
||
|thlalâk lenzawng=200 |
|||
|piankum=1884 |
|piankum=1884 |
||
|pianthla= |
|pianthla= |
||
Line 16: | Line 17: | ||
|kutchhuak= Mizo Sakhua, Mizo Awmdàn Hlui, Arsi Chanchin ladt. |
|kutchhuak= Mizo Sakhua, Mizo Awmdàn Hlui, Arsi Chanchin ladt. |
||
|chawimawina=[[Wp/lus/MAL Academy Award|MAL Academy Award]], kum 1979 |
|chawimawina=[[Wp/lus/MAL Academy Award|MAL Academy Award]], kum 1979 |
||
|hriathlawhna=Mizo lehkhathiam hmasa, Berampu hmasa, Ziakmi hmasa, [[Wp/lus/Zo Lungthu Pathumte|Zo Lungthu Pathumte]] |
|||
|hriathlawhnaṭhenkhat= |
|||
}} |
}} |
||
⚫ | |||
[[Image:Liangkhaia.jpg|thumb|right|Berampu Liangkhaia]] |
|||
⚫ | |||
==Hun hmasa== |
==Hun hmasa== |
||
Liangkhaia hi Saihum khuaah kum 1884-ah a lo piang a, a laiah hming chu '''Hrangchina''' a ni. Mahni tawka hmasawn tum leh tumruh tak anih avangin zirtirtu mumal pawh nei lovin lehkha a zir ve a. Kum 1908-a [[Wp/lus/Lawr|Lawr]] ekzam chu a bei ve tawp a, a vanneiha siamin pakhatna a ni a. Zosapte’n an hmelhriat a, Tirhkoh hna zir tura an sawm avangin kum 1910 atangin Aizawl-ah Tirhkoh hna a zir ta a. Kum 1913-ah Cherra lamah a zir zawm zel a, kum 1916 aṭangin [[Wp/lus/Tirhkoh|Tirhkoh]] hna a thawk ṭan a, kum 1921-ah Berampu atan nemngheh a ni ta a ni. |
Liangkhaia hi Saihum khuaah kum 1884-ah a lo piang a, a laiah hming chu '''Hrangchina''' a ni. Mahni tawka hmasawn tum leh tumruh tak anih avangin zirtirtu mumal pawh nei lovin lehkha a zir ve a. Kum 1908-a [[Wp/lus/Lawr|Lawr]] ekzam chu a bei ve tawp a, a vanneiha siamin pakhatna a ni a. Zosapte’n an hmelhriat a, Tirhkoh hna zir tura an sawm avangin kum 1910 atangin Aizawl-ah Tirhkoh hna a zir ta a. Kum 1913-ah Cherra lamah a zir zawm zel a, kum 1916 aṭangin [[Wp/lus/Tirhkoh|Tirhkoh]] hna a thawk ṭan a, kum 1921-ah Berampu atan nemngheh a ni ta a ni. |
||
Line 43: | Line 43: | ||
* Khiangte, Laltluangliana, ''Rev. Liangkhaia Lungphun'', LTL Publications, kum 2001. |
* Khiangte, Laltluangliana, ''Rev. Liangkhaia Lungphun'', LTL Publications, kum 2001. |
||
* Khiangte, Laltluangliana, ''Thuhlaril'', (Literary Trends & History of Mizo Literature), College Text Book (Mizo) Editorial Board Publications, Aizawl, chhuah 2-na, kum 1997. |
* Khiangte, Laltluangliana, ''Thuhlaril'', (Literary Trends & History of Mizo Literature), College Text Book (Mizo) Editorial Board Publications, Aizawl, chhuah 2-na, kum 1997. |
||
* Chawngthu, Tluanga, ''Mizo Thuhlaril Hmasawn Dan - Part 2'', misual.com thuziak [[http://www.misual.com/2011/09/26/mizo-thuhlaril-hmasawn-dan-part-2/]] |
* Chawngthu, Tluanga, ''Mizo Thuhlaril Hmasawn Dan - Part 2'', misual.com thuziak [[https://web.archive.org/web/20130927064442/http://www.misual.com/2011/09/26/mizo-thuhlaril-hmasawn-dan-part-2/]] |
||
{{Wp/lus/mizopawl}} |
{{Wp/lus/mizopawl}} |
||
[[Category:Wp/lus/Mizo thuhlaril]] |
[[Category:Wp/lus/Mizo thuhlaril]] |
Latest revision as of 14:54, 21 September 2022
![]() |
Liangkhaia | |||||
---|---|---|---|---|---|
<spant style="font-family:Segoe script;">Liangkhaia thlalâk i neih chuan rawn thawh la kan läwm hlë ang![]()
| |||||
A chanchin tlangpui | |||||
Hming | Liangkhaia | ||||
Laiah-hming | Hrangchìna | ||||
Pian kum | Kum 1884 | ||||
Eizawnna | Berampu, ziakmi ladt. | ||||
Thih kum | Kum 1979' | ||||
Sülhnu lam | |||||
Kutchhûak | Mizo Sakhua, Mizo Awmdàn Hlui, Arsi Chanchin ladt. | ||||
Chawimawina | MAL Academy Award, kum 1979 | ||||
Hriat hlawhna ṭhenkhatte | |||||
Mizo lehkhathiam hmasa, Berampu hmasa, Ziakmi hmasa, Zo Lungthu Pathumte |
Liangkhaia (1884-1979) hi Mizo ziakmi, berampu, hla phuahthiam, Mizo lehkha thiam hmasa berte zinga mi leh Mizo ṭawnga Pathian Lehkhabu Thianghlim lehlin kawnga sulsutu, mi ṭangkai ber pakhat a ni.
Hun hmasa
[edit | edit source]Liangkhaia hi Saihum khuaah kum 1884-ah a lo piang a, a laiah hming chu Hrangchina a ni. Mahni tawka hmasawn tum leh tumruh tak anih avangin zirtirtu mumal pawh nei lovin lehkha a zir ve a. Kum 1908-a Lawr ekzam chu a bei ve tawp a, a vanneiha siamin pakhatna a ni a. Zosapte’n an hmelhriat a, Tirhkoh hna zir tura an sawm avangin kum 1910 atangin Aizawl-ah Tirhkoh hna a zir ta a. Kum 1913-ah Cherra lamah a zir zawm zel a, kum 1916 aṭangin Tirhkoh hna a thawk ṭan a, kum 1921-ah Berampu atan nemngheh a ni ta a ni.
Liangkhaia hian Pathian rawngbawla a hun pum a hman chhungin Mizo hnam tan thil ṭha a hnutchhiah hnem hle a. Mizoram dung leh vang fanga mi chi tin chi tang be pawp leh kawm reng a nih avangin a thil ziakte hi a rinawm tawk a, mi thil chhinchhiah thei mi bik a lo ni hlauh bawk nen. A hriatrengna a fimin a ziakin a chhinchhiah ṭha thlap zel bawk a, he thuziakah hian a tha lo thawh dan a ṭhen azar chauh kan tarlang dawn a ni.
Hla
[edit | edit source]Mizo hla leh a nun inthlun zawm dan hi tarlang hmasa ber ila. Kum 1908 khan Puma Zai a paw chhuak a. An lal Lalzika chuan a lo duh hle a. Sialin a ai ta hial a. Zoram dung leh vangah a lo darh ta a ni. Hnam hla an ti mai a, a thang zel a. Thlanglam Zai an ti zui ta hial a ni. A paw chhuaktu hi hla lama tui leh hla pawh phuah chho zui ta zel a nih avangin Puma zai bikah pawh hian hla pahnih khat chu a thawh ve ngeiin a rinawm. Mahse, a hla phuah ṭhenkhat hi amah ngei pawhin a phuah angin a chhâl duh lem lo.
Lehlin leh phuah
[edit | edit source]Kum 1913 aṭangin Kristian hla lehlin leh phuah a ṭan a. Hla hi 20 chuang a phuah a, 20 chuang fê letling bawk. Kristian Hla Buah hian a hla phuah leh lehlinte hi 31 a chuang ṭhin a. Mizo zingah chuan hla nghah ber a ni. Tuna Kristian Hla Bu tharah hian a hla 30 a la chuang ta zel a. Mizo Kristian hla siamtute zingah chuan hmahruaitu pawimawh tak a ni. Hla hi a nei reng emaw tih theih mai turin a lehkha ziak dang dangah pawh hla chang a telh chamchi a, a ṭhian ṭhate an thihin hlain a sun ṭhin bawk. Mizo hnam chanchin leh nunphung ziaka dahin a lo vawng ṭha khiau hi a hlu hle a. Mizo Sakhua a ṭobul aṭanga chhuiin, a kawngkal kimchang takin a ziak a, tun thlengin zirlaite leh hnam tan ro a tling. Mizo mi leh thil hmingthangte leh Mizo Sakhua leh Mizo Awmdan Hlui te hi Mizo hnam nunphung a tarlanna lehkhabu a ni a. Mizorama Harhna Thu pawh hian Pathian thua harhna lam hawi mah se, hnam ziarang leh rilru puthmang chu a pho chhuak ṭha hle a ni.
Lehkhaziak
[edit | edit source]Liangkhaia hian kum 1911 vel aṭangin lehkha a ziak ṭan a. Kristian Tlangau, kum 1911, Pawltlâk thla chhuaka a thuziak kha vantlang hriata a lehkha ziak theh darh hmasak ber niin a lang. Mizo leh Vai Chanchinbu leh Kristian Tlangau-ah ringawt pawh a thuziak hi a chuang hnem hle. Lehkhabu a ziak zinga mi hriat hlawh ber mai chu Mizo Chanchin Part I & II hi a ni awm e. Kum 1926-a a ziak, kum 1938-a a bua chhut chhuah, Mizo hnam chanchin chiang tawk taka ziahna lehkhabu ṭha tak a ni. Mizo hunnhlui-chanchin a ziak rual hian Mizo hla hlui tam tak a khawn khawm a. Chu’ng hla hluite chu eng’emaw zat a lehkhabua thil bul chhut nan a hmang ṭhin a ni.
Hla hlui khawn
[edit | edit source]Liangkhaia hian a hranpa ngatin Mizo hla hlui a thiante nena an fawmkhawm Zoram Kan Lo Luh Hma Pawi Rama Kan La Awm Lai Leh Zoram Luh Tirh Vela Chhuak Ṭante tiin lehkhabu thelep, phek 38-a chhah chu kum 1925 vel khan chhuah a ni a. He buthelepah hian Chai hla chi hrang hrang, Hlado, Zai leh hla hrang hrang a chuang a. Hla mal, hla chang 226 lai a chuang a ni. Kohhran thikthu chhiat lai a ni a, Pastor tan chuti ang hla han chhut chu a remchan loh avangin a hming erawh chu ziah lan a ni lo va. Mizo Chanchin bua hla chuang leh he hla bua mi hi a inan deuh vek avang leh hetiang hlate a lakkhawm thu sawi thei an awm a vangin Liangkhaia sulhnu chu a nih ngei a rinawm.
Pipute thuhlaril vawn ṭhat
[edit | edit source]Mizo pi pute’n ṭawngkaa an inhlan chhawn thu leh hla chi hrang hrang ziaka lo vawng tha hmasatu niin Mizo thuhlaril tihhausak leh thil hlui vawn ṭhat kawngah pawh hmahruaitu a nih avangin thil a zir nasa hle a. Mizo pa thil chhut dan Arsi Chanchin a ziak atang hian a langchiang hle a ni. Chubakah mite khawhawi tizau thei tur lehkhabu chi hrang hrang a letling a, amahin a ziak bawk a. A lehkhabu ziak leh lehlin hi 30 vel a tling a, thuziak kawngah chuan hma a lo la zau hle a ni.
Baibul lehlin
[edit | edit source]Kum 1947 khan Kohhranho Inkhawmpui chuan lehkhabu ziak leh lehlin hna thawk turin a ruat a. Baibul lehlin hna a thawk nghal a. Kum hnih chhungin Baibula mi- Joba, Thuhriltu, Hla Thlankhawm, Jeremia Ṭah Hla, Daniala, Ezekiela, Zakaria, Zephania, Hagaia, Habakuka, Malakia, a vaiin bu 12 a letling chhuak hman a ni. Heng a Baibul lehlin atang pawh hian thu leh hla thiam leh tui kawp a nih zia a lang chiang viau mai a. Mizo tawng a thiam tha tawk ani tih chu thil engkim Mizo tawnga a dah theih dan hian a lanchiantir hle a ni.
Thuziak, Hla phuah, Lehkhabu lehlin, lehkhabu ziak, Hrilhfiahna buatsaih, Rimawi leh a kaihhnawih lama a inhmanna bakah, Sap ṭawngin thu a ziak nual a. Chubakah, fim taka thlirna thuziak a nei nual bawk. Hla thu tih te, Mizo hla tih leh Thuhlaril bik khawih thil a ziak aṭang hian midangte kutchhuak pawh a lo zir nasat dan a lang bawk. Hetianga thil chi hrang hrang- Pathian thu, Hnam hunhlui-chanchin, Hnamzia, Arsi chanchin, zirthiamna thil, rimawi, Berampu leh thuhriltu, Ziakmi leh thuhlaril lama a kutchhuakte hi hlutsakin Mizo Academy of Letters chuan kum 1979 khan Academy Award a lo hlan a. He chawimawina hlu tak hi Mizo zinga dawng hmasa ber a ni.
Thih
[edit | edit source]Kum 1979 khan a boral.
Thulâkna
[edit | edit source]- Khiangte, Laltluangliana, Rev. Liangkhaia Lungphun, LTL Publications, kum 2001.
- Khiangte, Laltluangliana, Thuhlaril, (Literary Trends & History of Mizo Literature), College Text Book (Mizo) Editorial Board Publications, Aizawl, chhuah 2-na, kum 1997.
- Chawngthu, Tluanga, Mizo Thuhlaril Hmasawn Dan - Part 2, misual.com thuziak [[1]]