Le Morte in Venetia
![](http://upload.wikimedia.org/wikipedia/commons/thumb/b/bf/Morte6.jpg/220px-Morte6.jpg)
Le Morte in Venetia[1] (titulo original german: Der Tod in Venedig) es un novella del scriptor europee Thomas Mann, publicate in 1912. Considerate como uno del operas le plus significative de Mann, illo es certemente uno del plus note al grande publico, inspirante le premiatissime pellicula omonyme per le director Luchino Visconti in 1971, le melodrama per le compositor Benjamin Britten in 1973, e le balletto classic per John Neumeier in 2004.
Synopse
[modificar | modificar fonte]Le libro narra del grande autor Gustav von Aschenbach qui, sufferente de blocco del scriptor, decide visitar Venetia in un tentativa de continuar su opera de vita. In Le Serenissima le viro se senti finalmente liberate e sublevate, ma sempre plus confuse e obsesse per le incontro de un bellissime juvene del nobilitate polonese. Anque le gratiose juvenette es in vacantias sur le litoral adriatic, e tosto face cader le autor in un intense amor platonic, que non le permitte pensar ad alie.[2]
Tadzio, le adolescente al centro del forte undas emotive in le historia, es le diminutivo del prenomine polonese Tadeusz, e su personage es basate sur un ver baron vidite per Mann durante su visita a Venetia cum su marita Katia in 1911, Władysław Moes, qui colpava ambes pro su incredibile beltate juvenil, pur et etheree.[3]
Themas
[modificar | modificar fonte]Iste breve sed perfectemente acute opera litterari affronta in maniera lucide e matur varie themas re le animo human, le societate europee, le natura artistic del homine, le amor inter adulte e adolescente, le cursos inexpectate del vita, le homosexualitate o bisexualitate latente in etate avantiate, e le epidemias in le grande urbes, pulsante le lector in un turbine de pensatas et emotiones diverse e incredibilemente profunde.[4]
- ↑ Derivation: Entitates: 1. (it) La morte a Venezia || 2. (es) La muerte en Venecia (novela) || (pt) Morte em Veneza || 3. (fr) La Mort à Venise || 4. (en) Death in Venice || Controlo: (de) Der Tod in Venedig || (ru) Смерть в Венеции || - (Extra): (la)
- ↑ Omnelingua - Amor Platonic: Le Morte in Venetia. — secunde paragrapho.
- ↑ Omnelingua - Amor Platonic: Le Morte in Venetia. — tertie paragrapho.
- ↑ Omnelingua - Amor Platonic: Le Morte in Venetia. — quarte paragrapho.