Linguistica

Linguistica
instantia de: disciplina academic[*], academic major[*], specialitate[*], field of study[*]
subclasse de: humanities[*], scientia social
parte de: language arts[*], language stud­ies[*]
Commons: Linguistics

Le Linguistica es le scientia que studia le linguage, o le lingua, human, existente in le sequente divisiones:

• Linguistica applicate: branca del studios linguistic que se occupa del problemas que le linguage presenta como medio de relationes social, specialmente de illo que se refere al inseniamento de linguas.
• Linguistica comparative: grammatica comparative.
• Linguistica computational; application del methodos del intelligentia artificial al tractamento de questiones linguistic.
• Linguistica evolutive: linguistica diachronic.
• Linguistica general: studio theoric del linguage que se occupa de methodos de investigation e de questiones commun al diverse linguas.
• Interlinguistica: studio inter le linguas pro le comparation de vocabulario e grammatica pro le extraction o disveloppamento de un Lingua auxiliar international.

In tanto, un linguista es un persona con formation in linguistica. Un persona qui parla varie linguas es un polyglotto.

Le linguistica studia tote aspectos del lingua e include subcampos tan diverse como le phonetica, le semantica, le syntaxe, le etymologia, le lexicographia, le linguistica general o theoria del linguistica, le linguistica comparative o historic e le sociolinguistica. Le Interlinguistica que es le studio pro le disveloppamento de un lingua auxiliar international. (Vide etiam Lingua universal). Le linguistica computational es un nove subcampo que se presenta como un area multidisciplinari inter le linguistica e le informatica.

In Europa, in le seculo 19, le linguistica esseva centrate in le historia relative del linguas indo-europee, con le fin de trovar lor radices e traciar punctos commun in lor disveloppamento. Le interesse in describer le linguas ha essite aspergite per tote le mundo, e milles de linguas de tote partes del mundo ha essite analysate in varie grados. Quando iste travalio se disveloppava in le comenciamento del seculo 20, principalmente in America del Nord, le linguistas esseva confrontate con linguas cuje structura differeva grandemente del linguas europee familiar, e tunc illes comprendeva que illes debeva disveloppar un theoria del structura e methodos linguistic del analyse. Foras de tal interesse se disveloppava le campo que veniva esser cognoscite per le linguistica como Linguistica structural o structura. Le pioneros in iste effortio includeva Franz Boas, Edward Sapir, e Leonard Bloomfield.

Campos linguistic

• Phonologia
• Grammatica: morphologia — semantica
• Interlinguistica

Linguas

• Familias linguistic
• Linguas artificial

Vide etiam

• Appendice:Lista de linguistas
• Appendice:Lista de linguas del mundo per numero de parlatores
• Linguage
• Communication
• Phrases commun in differente linguas

Referentias

Nota

Iste pagina contine material traducite ab Wikipedia in espaniol. Le articulo original se trova in le version 14913 de es:Lingüística, e es usate secundo le mandatos del licentia de Wikipedia.