Մայա Քելյան
| Մայա Քելյան | |
|---|---|
| Ծնվել է | մայիսի 18, 1957 (67 տարեկան) |
| Ծննդավայր | Պլովդիվ, Բուլղարիա |
| Քաղաքացիություն |  Բուլղարիա |
| Կրթություն | Սոֆիայի համալսարան (1979) |
| Գիտական աստիճան | պրոֆեսոր |
| Մասնագիտություն | սոցիոլոգ և համալսարանի դասախոս |
| Աշխատավայր | Բուլղարիայի գիտությունների ակադեմիա, Սոֆիայի համալսարան, Բուրգասի ազատ համալսարան և South-West University "Neofit Rilski"? |
| Անդամություն | Ճապոնական հետազոտությունների եվրոպական ասոցիացիա |
Մայա Պետրոսի Քելյան (բուլղար․՝ Мая Бедрос Келиян, մայիսի 18, 1957, Պլովդիվ, Բուլղարիա), ծագումով հայ բուլղարացի սոցիոլոգ։ Բուլղարիայի գիտությունների ակադեմիայի պրոֆեսոր։ Philosophical Alternatives ամսագրի խմբագրական խորհրդի անդամ[1]։
Կենսագրություն
[խմբագրել | խմբագրել կոդը]Մայա Քելյանը ծնվել է 1957 թվականի մայիսի 18-ին, Պլովդիվում։ 1979 թվականին ավարտել է Սոֆիայի համալսարանի սոցիոլոգիայի և փիլիսոփայության ֆակուլտետները[2]։ 1993 թվականին մասնագիտական որակավորման դասընթաց է անցնել Էսսեքսի համալսարանում (Մեծ Բրիտանիա), 1994-1995, 2004-2005, 2012-2013 թվականներին՝ Կիոտոյի համալսարանում, 1997-1998 թվականներին՝ Տեխնոլոգիական համալսարանում, 2015-2016 թվականներին՝ Կիոտոյի ճապոնական հետազոտությունների միջազգային կենտրոնում, Ճապոնիա, 2006 թվականին՝ Հոնկոնգի համալսարանում, 2014 թվականին՝ Չժենչոյի ազգային համալսարանում, Թայբեյ։ 1990 թվականին դարձել է գիտությունների թեկնածու, 1991 թվականից` գիտաշխատող, 2000 թվականից՝ II աստիճանի ավագ գիտաշխատող, 2009 թվականից` գիտությունների դոկտոր, 2011 թվականից` Բուլղարիայի գիտությունների ակադեմիայի սոցիոլոգիայի ինստիտուտի պրոֆեսոր։ 2008 թվականին ղեկավարել է ինստիտուտի «Համայնքների և սոցիալական շերտավորման» բաժինը։ Աշխատում է սոցիալական շերտավորման, տեղական համայնքների, սպառման, կենսակերպի և սոցիալական կառույցների հեռանկարների վրա Բուլղարիայում, Ճապոնիայում, Չինաստանում և Թայվանում։ Դասավանդել է Նեոֆիտ Ռիլսկու անվան հարավարևմտյան համալսարանում, Բլագոևգրադ (1998-2001), Սոֆիայի համալսարանում (2001-2002, 2006) և Բուրգասի ազատ համալսարանում (2002-2003)[3]։
Անդամակցություն
[խմբագրել | խմբագրել կոդը]- Սոցիոլոգիական միջազգային ասոցիացիայի (RC 28 Social Stratification in ISA, 1991-) սոցիալական հետազոտությունների հանձնաժողովների անդամ
- «Ազատ ժամանակի սոցիոլոգիա» միջազգային սոցիոլոգիական ասոցիացիայի անդամ (RC 13 Sociology of Leisure at ISA) (2007-)
- Գյուղական սոցիոլոգիայի եվրոպական ընկերակցություն (European Association of Rural Sociology, 1991-)
- Ճապոնական հետազոտությունների եվրոպական ընկերակցություն (European Association for Japanese Studies (EAJS) (1995-)
Ծանոթագրություններ
[խմբագրել | խմբագրել կոդը]- ↑ «Philosophical Alternatives – Институт за изследване на обществата и знанието» (ամերիկյան անգլերեն). Վերցված է 2019 թ․ մարտի 19-ին.
- ↑ «Maya Kelyan». www.omda.bg. Վերցված է 2019 թ․ մարտի 19-ին.
- ↑ Кацунов, Валери, Джени Иванова, Цветана Величкова. Жените в историята на академичната наука в България (Хабилитираните жени в БАН). Ропринт. с. 149 – 150.