Քլոմիպրամին
Քլոմիպրամինը (անգլ.՝ Clomipramine) եռցիկլիկ հակադեպրեսանտ է: Ապրանքանիշային անվանումն է Անաֆրանիլ (Anafranil) (նաև` Apo-Clopamine, Gen-Clomipramine` Կանադայում):
Ստեղծվել է 1960թ. շվեյցարական «Նովարտիս» (նախկինում` Geigy) դեղագործական ընկերության կողմից: Քլոմիպրամինը ցուցված է օբսեսիվ-կոմպուլսիվ խանգարման համար, նվազեցնում է անհանգստացնող մտքերն ու սովորութային գործողությունները: Նշանակվում է նաև դեպրեսիաների, գրգռված աղու համախտանիշի, խուճապային խանգարումների (պանիկա), քնային պարալիզի բուժման համար:
Հիմնական կողմնակի էֆեկտները լինում են
- Նյարդային համակարգում` քնկոտություն, դող, գլխացավ, թմրություն
- Մարսողական համակարգում` բերանի չորություն, փորկապություն, մարսողության խանգարում
- Սիրտանոթային համակարգում` դիրքային թերճնշում
- Միզասեռական համակարգում` միզարձակման դժվարացում, կանանց մոտ` դիսմենորեա, տղամարդկանց մոտ` սերմնաժայթքման խանգարում
Օրական առավելագույն չափաքանակը 250մգ է: