Դիտել Ալ էջի աղբյուրը

{{Այլ կիրառումներ|Ալ (այլ կիրառումներ)}}
'''Ալ''' (երբեմբ նաև ''ալք''), առասպելական կենդանիներ կամ [[չար ոգի]]ներ՝ մի շարք ժողովուրդների հին հավատալիքներում։ [[Պարսիկ]]ների պատկերացմամբ՝ կնոջ կերպարանքով ժանտատեսիլ կենդանիներ են, ըստ [[վրացի]]ների՝ անտառային ոգի։ Ալերը լինում են երկու սեռի, ինչպես հռոմեական [[ստրիգ]]ներն ու [[սիլվա]]ները։ Հայոց ժողովրդական հավատալիքներում Ալերը բրդոտ են, կես–մարդկային, կես–կենդանական կերպարանքով, հրեղեն աչքով, [[պղինձ|պղնձե]] եղունգներով։ Համարվել են թշնամի՝ առանձնապես ծննդկան կանանց և նորածինների։ Այս հավատքը ծագել է նախապատմական ժամանակներում՝ մարդու և շրջապատող աշխարհի մասին մութ պատկերացումներից։ Նույնչափ հին են այդ ոգիներից պաշտպանվելու հմայական միջոցները (օրինակ, ծննդկանի բարձի տակ [[երկաթ]]ե իրեր դնել)։ Պահպանվել են բերանից «ծննդկանի աղոթքներ», գրավոր հմայեկներ։ Ըստ ժողովրդական հավատալիքի, ծննդկանին օգնում են նաև բարի ոգիները՝ երկու աղջիկներ (Ուրբաթամուտն ու Չորեքմուտը) և նրանց կրտսեր եղբայրը (Կիրակմուտը)։ Այստեղ նկատելի են ծննդկան կանանց խնամակալ [[Աստղիկ]] դիցուհու և նախնիների պաշտամունքի հետքերը։ Կան նաև զրույցներ Ալերի մասին։ Այս հավատքը հայերից անցել է [[քուրդ|քրդերին]] «ալք» անվանումով։

{{ՀՍՀ|հատոր=1|էջ=133}}
{{Հին հայկական դիցաբանություն}}

[[Կատեգորիա:Հայկական աստվածություններ]]