Հոլոցեն

Հոլոցեն, Ժամանակակից բաժին, Երկրի երկրաբանական պատմության անթրոպոգենի (չորրորդական) ժամանակաշրջանի վերջին, տակավին չավարտված հատվածը։

Հոլոցենի սկիզբը (ստորին սահմանը 10 հզ. տարի առաջ) համընկնում է վերջին մայրցամաքային սառցապատման ավարտին Եվրոպայի հյուսիսում։ Ի տարբերություն մյուս երկրաբանական ժամանակաշրջանների, ժամանակակից բաժինը ընդգրկում է երկրաբանական շատ կարճ ժամանակամիջոց, նստվածքները լայնորեն տարածված են, մերկանում են Երկրի մակերևույթին և անմիջականորեն կապված են մարդու գործունեության հետ։ Ժամանակակից բաժնի ընթացքում ծովերն ու ցամաքներն ընդունել են իրենց արդի ուրվագծերը, ձևավորվել են ժամանակակից աշխարհագրական գոտիները, առաջացել գետերի ողողվող դարավանդները։

Հայաստում ժամանակակից բաժինը նույնպես մեծ տարածում ունի և ներկայացված է, հիմնականում, հրաբխային ապարներով (բազալտներ, լավաներ, տուֆեր) ու սառցադաշտային, լճային, գետային նստվածքներով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 274)։

Վիքիպահեստն ունի նյութեր, որոնք վերաբերում են «Հոլոցեն» հոդվածին։