Արամայիս Աղամալյան
- Վիքիպեդիայում կան հոդվածներ Աղամալյան ազգանունով այլ մարդկանց մասին։
Արամայիս Մկրտչի Աղամալյան (մայիսի 1, 1910, Ջուղա, Central District, Ջուղա շահրեստան, Արևելյան Ադրբեջան, Իրան - 1980 կամ ապրիլի 28, 1986), իրանահայ կինոռեժիսոր, սցենարիստ։
 | |
|---|---|
| Ծնվել է | մայիսի 1, 1910 |
| Ծննդավայր | Ջուղա, Central District, Ջուղա շահրեստան, Արևելյան Ադրբեջան, Իրան |
| Մահացել է | 1980 կամ ապրիլի 28, 1986 (75 տարեկան) |
| Կրթություն | Փանոս Թերլեմեզյանի անվան գեղարվեստի պետական քոլեջ |
| Քաղաքացիություն | .svg){kind=small} Իրան |
| Մասնագիտացում | կինոռեժիսոր և սցենարիստ |
| IMDb | ID ID 1027689 |
Կենսագրություն
խմբագրելԱրամայիս Աղամալյանը ծնվել է 1910 թվականին, Ջուղայում։ Հայկական ջարդերի ժամանակ ընտանիքի հետ գաղթել է Իրան, հաստատվել Թավրիզում։ Տարրական դպրոցն ավարտելուց հետո մեկնել է Երևան և 1920-1930 թվականներին բնակվել այնտեղ՝ աշակերտել է Հակոբ Կոջոյանին և Ալեքսանդր Թամանյանին։ 1927 թվականին ավարտել է Երևանի գեղարվեստա-արդյունաբերական տեխնիկումը և աշխատել որպես ձևավորող։ 1930 թվականին մեկնել է Գերմանիա, ուսումը շարունակել Բեռլինի դրամատիկական արվեստի քոլեջում, սակայն ֆինանսական խնդիրների պատճառով կրթությունը կիսատ է թողել։ 1934 թվականին վերադարձել է Իրան և հաստատվել Սպահանի հայաբնակ՝ Նոր Ջուղա քաղաքում, որտեղ աշխատել է հինգ տարի։ Թատերական գործունեությունը սկսել է 1935 թվականին՝ Նոր Ջուղայում։ 1939-1945 թվականներին բնակվել է Թավրիզում, որտեղ բեմադրել է բազմաթիվ պիեսներ։ Թեհրան հաստատվելուց հետո Քուշեշ-Դավթյան հայկական տարրական և միջնակարգ դպրոցներում դասավանդել է նկարչություն։ Ռուսերենից հայերեն է թարգմանել մի շարք պիեսներ, այդ թվում՝ Վոյնովիչի «Հասարակածային փոթորիկը», Ա. Գլադկովի «Երիտասարդ թատրոնը», Թենսի Ուիլյամսի «Ամառ և ծուխ» երկերը։ 1946 թվականից աշխատել է Թեհրանի տարբեր թատերախմբերում։ 1946 թվականին միացել է «Արարատ ակումբ» թատերախմբին։ Ձևավորել է մի քանի ուշագրավ թատերական դեկորներ՝ «Գևորգ Մարզպետունի», «Սամվել» թատերախաղերի համար։ 1960 թվականից հանդես է եկել կինոյի ասպարեզում, նկարահանել «Փեսա որոնողներ» ֆիլմը՝ քաղված Երվանդ Օտյանի «Չարշլ Արթին Աղա» թատերախաղից[1][2][3][4]։
Բեմադրություններ
խմբագրել| Պիես | Հեղինակ |
|---|---|
| «Սառա» | Ա. Խաչիկյան |
| «Գևորգ Մարզպետունի» | Մուրացան |
| «Պաղտասար աղբար» | Հակոբ Պարոնյան |
| «Սամվել» | Րաֆֆի |
| «Պեպո» | Գաբրիել Սունդուկյան |
| «Նամուս» | Շիրվանզադե |
| «Իմ սիրտը լեռներում է» | Վիլյամ Սարոյան |
| «Մեռնիլը որքան դժվար է» | Մուշեղ Իշխան |
| «Ոտքի՜, դատարանն է գալիս» | Պերճ Զեյթունցյան |
Ֆիլմեր
խմբագրելՍտեղծագործել է նաև կինոյում, նկարահանել՝ 12 ֆիլմ։
| Ֆիլմ | տարեթիվ |
|---|---|
| «Փեսա որոնողներ» | 1959 |
| «Մեր թաղի տղաները» | 1961 |
| Հրեշտակն իմ տանը | 1963 |
| «Թափառաշրջիկ աղջիկը» | 1964 |
| Մարդկային արարածներ | 1964 |
| Կատարողը | 1965 |
| Գոլաղա | 1968 |
| Երեքը վազում են | |
| Երեքաչքանի սուտակ |
Ծանոթագրություններ
խմբագրել- ↑ Sayyed Morteza Sayyed Mohammadi (1999). A Guide To Iranian Cinema Directors 1930-1999. Tehran: Simroo Publishing House. էջեր 7–8. ISBN 964-5685-35-4.
- ↑ Armenians And Iranian Cinema. Tehran: Film Museum Of Iran. Summer 2004. էջ 92. ISBN 964-6728-44-8.
- ↑ Janet D. Lazarian (2003). Encyclopedia of Iranian Armenians. Tehran: Hirmand Publisher. էջեր 404–405. ISBN 964-6974-50-3.
- ↑ «Iranian Movie DataBase آرماييس آقاماليان». Արխիվացված է օրիգինալից 2015 թ․ սեպտեմբերի 24-ին. Վերցված է 2015 թ․ օգոստոսի 3-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2005: