Žórłowy tekst za Stanisław Tilich sej wobhladać

[[Dataja:Stanislaw Tillich 2013 (cropped).jpg|thumb|upright|Stanisław Tilich (2014)]]

'''Stanisław Tilich''' ({{wrěči|de}} ''Stanislaw Tillich''; * [[10. apryla]] [[1959]] w [[Nowa Wjeska|Nowej Wjesce]]) je politikar [[Křesćansko-demokratiska unija Němskeje|Křesćansko-demokratiskeje unije Němskeje]], kiž bě wot 2008 do 2017 ministerski prezident [[Sakska|Swobodneho stata Sakskeje]]. Nimo toho bě wot 1. nowembra 2015 hač do 31. oktobra 2016 tež 70. předsyda [[Zwjazkowa rada|Zwjazkoweje rady]]. Dnja 18. oktobra 2017 připowědźi swój wotstup ze zastojnstwa za december samsneho lěta a předstaji [[Michael Kretschmer|Michaela Kretschmera]] jako naslědnika.

== Žiwjenje ==
Stanisław Tilich pochadźa ze [[Serbja|serbskeje]] swójby katolskeje konfesije. Po swojim šulskim wukubłanju a abiturje na [[Serbski gymnazij|Serbskim gymnaziju]] w [[Budyšin]]je studowaše na [[TU Drježdźany|Techniskej uniwersiće Drježdźany]] z wotzamknjenjom diplomoweho inženjera za konstrukciju a kolesynowu techniku a započa w lěće 1984 jako konstrukter w předewzaću za elektroniku w [[Kamjenc]]u w [[Hornja Łužica|Hornjej Łužicy]].<ref>[http://archive.is/20120802120419/www.ftd.de/koepfe/whoiswho/:Profil%20Stanislaw%20Tillich/342835.html FTD 14. apryla 2008: Profil: Stanislaw Tillich]</ref> Wot 1987 do 1989 běše přistajeny [[Wokrjes Kamjenc|wokrjesneho zarjadnistwa Kamjenc]] a wot 1989 do 1995 samostatny [[Srjedźny staw|srjedźostawski]] předewzaćel.

== Politika ==
Hišće před přewrótom bu Tilich w lěće 1987 čłon [[CDU (NDR)|CDU w NDR]], w lěće 1990 čłon cyłoněmskeje  [[CDU]]. 18. měrca 1990 je so ze zapósłancom [[Wólba Ludoweje komory 1990|prěnjeje swobodnje wuzwoleneje]] [[Ludowa komora|Ludoweje komory]] stał. Po jeje rozpušćenju w běhu němskeho zasozjednoćenja dźěłaše hač do lěta 1994 jako wobkedźbowar w [[Europski parlament|Europskim parlamenće]]. W 4. Europskim parlamenće (1994-1999) běše wuzwoleny čłon za Němsku a fungowaše jako zastupowacy předsyda etatoweho wuběrka a generalny roprawjer za etat [[Europska unija|Europskeje unije]]. <ref>[http://www.faz.net/s/RubA24ECD630CAE40E483841DB7D16F4211/Doc~E8129EEE30DF841F399A9ED73469A5835~ATpl~Ecommon~Scontent.html FAZ.net 14. apryla 2008: Naslědnik. Stanislaw Tillich – Serb w Sakskej] {{ref-de}}</ref> <ref>[http://www.cdu-sachsen-fraktion.de/abgeordnete.asp?dtl=T&lid=205&iid=16&mid=0&uid=0&change=T Frakcija CDU sakskeho krajneho sejma] {{ref-de}}</ref> <ref>[http://www.europarl.europa.eu/members/archive/alphaOrder/view.do?language=DE&id=1861 Přehlad wo funkcijach/činitosćach w Europskim parlamenće] {{ref-de}}</ref>
Wot 1992 do 1999 běše čłon předsydstwa [[Europska ludowa strona|Europskeje ludoweje strony]]. 

W lěće 1999 powoła jeho tehdyši [[ministerski prezident]] Sakskeje [[Kurt Biedenkopf]] do swojeho [[kabinet]]a, hdźež běše hač do 2002 statny minister za zwjazkowe a europske naležnosće.

W kabineće [[Georg Milbradt|Georga Milbradta]] wuzwoleneho w lěće 2002 za ministerskeho prezidenta dźěłaše Tilich najprjedy hač do 2004 jako [[Sakska statna kenclija|statny minister a šef statneje kenclije]] a wot 2004 jako [[Statny ministerij za wobswět a ratarstwo|Sakski statny minister za wobswět a ratarstwo]]. W tym času staraše so wosebje wo wutwar škita přećiwo powodźenju po [[łobjowe powodźenje 2002|łobjowym powodźenju]] w awgusće 2002.

W lěće 2007 bu [[Statny ministerij za financy|Sakski statny minister za financy]] a naslědnik [[Horst Metz|Horsta Metza]] wotstupjeneho dla krizy sakskeje krajneje banki a wjedźeše jednanja wo naražanu krajnu banku na stronje Georga Milbradta. <ref>[http://www.sueddeutsche.de/deutschland/artikel/240/168750/ Süddeutsche Zeitung 14. apryla 2008 Stanislaw Tillich. Zurückhaltend, souverän, loyal]</ref>

14. apryla 2008 namjetowaše jeho Georg Milbradt w swojim wotstupnym wozjewjenju jako naslědnika za zastojnstwo [[Ministerski prezident|ministerskeho prezidenta]] a jako krajneho předsydu strony.<ref>[http://www.spiegel.de/politik/deutschland/0,1518,547194,00.html ''Milbradt stürzt über Landesbank-Affäre – Finanzminister wird Nachfolger''] [[Spiegel Online]], 14. apryla 2008</ref>
24. meje 2008 je strona jeho na [[Stronski zjězd|stronskim zjězdźe]] w [[Šwikawa|Šwikawje]] za [[Krajny předsyda|krajneho předsydu]] sakskeje CDU wuzwoliła. Wot 28. meje 2008 je wón ministerski prezident [[Swobodny stat|Swobodneho stata]] [[Sakska|Sakskeje]]. Tilich je z tym prěni ministerski prezident Swobodneho stata w stawiznach po přewróće, kiž je so w Sakskej narodźił a zdobom prěni katolski [[Serbja|Serb]] w zastojnstwje ministerskeho prezidenta.

Wón bu w lěće 2009 jako direktny kandidat swojeje strony we wólbnym wokrjesu 54 ([[Wólbny wokrjes Budyšin 3|Kamjenc 2]]) z 58,6&nbsp;% hłosow znowa do [[Sakski krajny sejm|krajneho sejma]] woleny. 2014 dósta w samsnym wokrjesu 57,2&nbsp;% hłosow.

Stanisław Tilich bydli w [[Pančicy-Kukow|Pančicach-Kukowje]], je woženjeny a ma dwě dźěsći.

== Hlej tež ==
* [[Kabinet Tilich I]]
* [[Kabinet Tilich II]]
* [[Kabinet Tilich III]]

== Žórła ==
<references/>

== Wotkazy ==
{{commonscat|Stanislaw Tillich}}
* [https://web.archive.org/web/20130520063933/http://www.stanislaw-tillich.de/ Websydlo Stanisława Tilicha]
* [https://web.archive.org/web/20080531143656/http://www.landtag.sachsen.de/SLT_ONLINE/de/infothek/volksvertretung/abgeordnete/popup_abgeordneter_fs.asp?ID=866 Sächsischer Landtag – Kurzbiographie]
* [http://archive.is/20130630215733/www.ftd.de/politik/deutschland/:Milbradt%20Tillich/342817.html FTD 14. apryla 2008: Milbradt woteńdźe, Tilich přińdźe]

{{Nawiblok
|Ministerscy prezidenća Sakskeje
|Minister za přirodu a ratarstwo (Sakska)
|Minister za financy (Sakska)
|Kabinet Biedenkopf III
|Kabinet Milbradt I
|Kabinet Milbradt II
|Kabinet Tilich I
|Kabinet Tilich II
|Kabinet Tilich III
}}

{{DEFAULTSORT:Tilich, Stanisław}}

[[Kategorija:Muž]]
[[Kategorija:Serb]]
[[Kategorija:Čłon CDU]]
[[Kategorija:Čłon Ludoweje komory]]
[[Kategorija:Zapósłanc sakskeho krajneho sejma]]
[[Kategorija:Statny sekretar (Sakska)]]
[[Kategorija:Krajny minister (Sakska)]]
[[Kategorija:Ministerski prezident Sakskeje]]
[[Kategorija:Rodź. 1959]]
[[Kategorija:Wosoba (Nowa Wjeska)]]
[[Kategorija:Wosoba (Pančicy-Kukow)]]
[[Kategorija:Wosoba (Drježdźany)]]
[[Kategorija:Politikar (20. lětstotk)]]
[[Kategorija:Politikar (21. lětstotk)]]