Časopis Maćicy Serbskeje
serbska publikacija (1848–1937) a centralny organ Maćicy Serbskeje
Časopis Maćicy Serbskeje (krótko ČMS, 1848–72 Časopis Towaŕstwa Maćicy Serbskeje) bě periodiska publikacija a centralny organ serbskeho wědomostneho towarstwa Maćicy Serbskeje, kotryž bě w lěće 1848 – potajkim hižo lěto po załoženju Maćicy – prěni raz wušoł. Z hłownym redaktorom časopisa, w kotrymž wozjewjachu so předewšěm ludowědne a rěčespytne nastawki, ale tež zličbowanja towarstwa, běchu přez lěta Jan Arnošt Smoler (1848–52), Jakub Buk (1853–67), Michał Hórnik (1868–94), Arnošt Muka (1894–1932) a Ota Wićaz (1933–37). Poslednje čisło časopisa (90. lětnik) wuńdźe w lěće 1937. Po Druhej swětowej wójnje přewza Lětopis w lěće 1952 rólu serbskeho wědomostneho časopisa.
