Suva Soccer Association
Suva Soccer Association, Fiji Football Association ke Super Premier Division ke ek team hae. Ii team, Fiji ke capital, Suva ke hae aur iske home ground National Stadium hae. Team ke uniform ujjar sat, karia shorts aur ujjar moja hae.
![]() | ||
Puura naam | Suva SoccerAssociation | |
---|---|---|
Nickname(s) | Capital City Whitefire | |
Banaa rahaa | 1936 | |
Home Ground | National Stadium Suva, Fiji (Baithe ke jagah: 10,000) | |
Coach | Intiaz Khan | |
President | Mahend Singh | |
League | National Football League (Fiji) | |
2021 | 4th | |
|
![](http://upload.wikimedia.org/wikipedia/hif/thumb/9/90/FFALogo.jpg/90px-FFALogo.jpg)
Itihaas
badloSuva Soccer Football Club 1905 me suruu bhais rahaa, jab ki usme khali gora logan khelat rahin. 1910 me ek Suva ke team HMS Powerful ke team ke 3 - 1 se harais. 1921 me Suva ke team HMS Torch ke team ke 2 - 0 se harais rahaa. 1930 me Governor, football khele khatir dui ground diis. 1922 me Suva ke Sunshine Clun Suruu bhais. Ii time chaar team Toorak me Marist Brothers School ke ground me league competition khelat rahin.
Fiji me Footbal match organise kare waala pahila sanstha, Indian Reform League rahaa. 1927 me League, Albert Park me school khatir ek competition organise karis jisme jisme Methodist Mission School, Marist Brothers School, Munivatu Indian School aur Islamia School hissa liin. 22 January 1928, ke League ek Football Association committee suruu karis jon ke Vriddhi trophy khatir 26 May 1928 ke ek tournament organise karis. Ii tournament me Indian Reform League Football Club, Toorak Service Club, Dilkusha Excelsior Football Club, Rewa Football Club aur Union Club khlis. 1936 me Association ke naam badal ke Suva Football Association rakha gais aur ab isme 8 team khele lagin. 1945 me 16 team rahin aur 1958 me 41 jab ki league competition ke senior, reserve, intermediate aur junior grade me khela jawat rahaa.
1938 me Suva Fiji Indian Football Association ke pahila member me se ek rahaa.
Safalta
badlo* National Football League: 4
* Inter-District Championship 11
* Battle of the Giants: 3
- 1982, 1988, 1995
* Fiji Football Association Cup Tournament: 1
- 1995
Abhi ke khilaarri
badloFilimone Boletawa, Krishna Sami, Arvind Pratap, Akariva Dau, Inosi Cava, Antonio Malapa, Noa Seru, Esava Naqeleca, Sandeep Nair, Seimata Chillia, Navinesh Chand, Dinesh Mudliar, Tomasi Tuqalu, Henry Dyer, Jone Lati, Joseph Mishra, Apisalome Turuva, Lisala Vetaukula, Harris Bali, Rohit Chand, Ilimeleki Tukai, Azmat Begg
Aur dekho
badlo
Bibliography
badlo- M. Prasad, Sixty Years of Soccer in Fiji 1938 – 1998: The Official History of the Fiji Football Association, Fiji Football Association, Suva, 1998.
Fiji Football Association ke Team | |||||||||
Super Premier Division | |||||||||
Ba | Labasa | Lautoka | Nadi | Nadroga | Rewa | Dreketi | Suva | ||
Premier Division | |||||||||
Bua | Savusavu | Lami | Levuka | Nadogo | Nalawa | Nasinu | Rakiraki
| ||
Seaqaqa | Tailevu/Naitasiri | Navua | Tavua | Tailevu North | Taveuni | Vatukoula |
|}