W

	W
Abbyrlhit Bunneydagh yn ASE

W
	W w
Ymmyd
Screeu-chorys	Script Ladjynagh
Sorçh	Abbyrlhitagh as logografagh
Çhengey vunneydagh	Ladjyn
Coad-phoynt Unicode	U+0057, U+0077
Soiaghey abbyrlhittagh	23
Shennaghys
Traa ymmydit	c. 600 BNJ – jiu
Sluightee	ʍ; ɯ ɰ; ₩;
Shuyraghyn	F; U; Ѵ; У; Ў; Ұ; Ү; ו و ܘ; וּ; וֹ; ࠅ; 𐎆; 𐡅; ወ; વ; ૂ ુ; उ;
Elley
Troa screeu	Clee dys y jesh
	Ta'n art shoh goaill stiagh aascreeuynyn sheeanagh 'syn Abbyrlhit Sheeanagh Eddyrashoonagh (IPA). Son stiurag vunneydagh da cowraghyn ASE, jeeagh er Cooney:ASE. Son yn anchaslys eddyr [ ], / / as ⟨ ⟩, jeeagh er ASE § Lhoobeenyn as streeanyn tessen-screeu.

She W, ny w, yn treeoo lettyr as feed 'syn abbyrlhit Ladjynagh,^[1] ta ymmydit ayns abbyrlhit ny Gaelgey noa-emshiragh as ayns abbyrlhittyn elley er feie ny cruinney. She wooishlagh yn ennym va currit er 'sy Ghaelg ayns ny laaghyn t'er ny gholl shaghey.^[2]

Shennaghys

T'ad gra dy daink W jeh screeu caslys 'syn abbyrlhit Proto-Sinaitagh. T'ad cur vâv er y lettyr shoh, as er lhieu dy row eh cowraghey croagane ny bad. Haink y cowrey shoh trooid coryssyn screeu Feaneeckagh, Greagagh, Etruscagh as Romanagh dys y chummey t'ayn nish. Ta'n bun cheddin ec Faarney, Unjin, Vervine as Yiarn.

V dooblit ayns Shenn Vaarle	Cummaghyn lurg-Victorianagh: W as V crossit

Lioar currit magh ayns 1693, as eshyn jannoo ymmyd jeh "u dooblit" myrane lesh W jeianagh

Cummey s'leaie W, she V dooblit v'ayn, as ish screeut ayns Shenn Vaarle 'sy 7oo eash. Haink yn ennym Baarle, "double U" (U dooblit) jeh. Cha row monney ymmyd jeant jeh; v'ad cliaghtey screeu y sheean /w/ lesh y roon wynn (Ƿ) son y chooid smoo. Lurg y Varriaght Normanagh, v'ad screeu daa vervine ny smoo na wynn, as mysh 1300 va'n lettyr noa jannoo obbyr wynn. Ny keayrtyn, v'ad screeu eh lesh daa V nyn lhie harrish y cheilley.

'Sy Ghaelg hene, ta'n lettyr çheet jeh'n abbyrlhit Baarleagh liorish obbyr John Phillips, Aspick Sodor as Mannin, as e lheid cairscreeu y yannoo son y Ghaelg ayns ny 1700yn.

Coadyn co-earrooder

Ayns Unicode, ta W mooar ec U+0057 as w beg ec U+0077.^[3]

Ayns ASCII, ta W mooar ec 87 as w beg ec 119. Ayns earrooyn jeesoil, shen 01010111 as 01110111.

Ayns EBCDIC, ta W mooar ec 230 as w beg ec 166.

Ayns HTML as XML, ta W mooar ec "W" as w beg ec "w".

Jeeagh er reesht

Imraaghyn

↑ "Latin alphabet". Encyclopædia Britannica.
↑ Kelly, Phil. "Lessoonyn Level 1". Feddynit magh er 12 Mean Souree 2024.
↑ Javascript Unicode Chart (en). Feddynit er 2009-03-08.

[1] "Latin alphabet". Encyclopædia Britannica.

[2] Kelly, Phil. "Lessoonyn Level 1". Feddynit magh er 12 Mean Souree 2024.

[unicode-3] Javascript Unicode Chart (en). Feddynit er 2009-03-08.

[1]

[2]

[3]