تاكدا كوگا

تاكدا كوگا (تاكدا شي - 武田氏) ايتا ژاپؤني كوگا بيد كه هي ئان ٚ دوره (794 – 1185) و سنگوكو دوره مئن ژاپون مئن پيله نقش داشتيد. تا او زماتي كه توكوگاوا شوگون سَلاري 1603 مئن پا بيگيفته. تاريخي جاجيگاهَ اَ كوگا، اوستان كايي مئن بو كه هسه دوخانيد ناحيه ياماناشي.^[۱]^[۲]

پيله چكنه هان

نوبوشيگه
نوبوتاكه
نوبوميتسو
نوبويوشي
نوبوتورا
هارونوبو (شينگن)
كاتسويوري

گوذشته

تاكدا كوگا ، امپراتور سيوا (850-880) زاكان بوستيد و ايتا بخش جه ميناموتو كوگا ، كه فرسِئيد به ميناموتو نو يوشيميتسو (1056–1127) ، كه اونه برار، ميناموتو نو يوشيه فرمانده كل قوا (ژاپوني: 鎮守府将軍 ) بو (1039–1106) . ميناموتو نو يوشيكيو (1075? – 1149?)، يوشيميتسو زاي بوستي ، اولي كسي بو كه تاكدا نام بِگيفته. قرن دوازدهم مئن، زماتي كه هي ئان دوره تومانَ بوستَن دَبو، تاكدا كوگا اوستان كايي مئن خوره قودرتي داشتيد. اوشان بيد كه ديگر قبايل امره، خو عمو پسر، ميناموتو نو يوريتومو امره اضافه بوستيد جنگ جين پي مئن و تايرا كوگا جولو بئساييد. وختي ميناموتو نو يوريتومو دَشكن بوخورده بو جه ايشي باياشيما (1181)، تاكدا نوبويوشي، اونه واستي 20.000 هيزار نيرو اوسي بوگوده تا يوشيموتو ياور بِبيد. تاكدا نبوميتسو (1162–1248)، جنگ شوكيو مئن هوجو كوگا ياور بوبوسته (1221) و اونه ياور گودن واستي، اوستان آكي مئن چَكنه بوبوسته. سنگوكو دوره كه فَرِسه ، تاكدا كوگا اوستانان كايي، آكي و واكاسا مئن چكنه بيد.

سنگوكو دوره

ايپچه به فَرِسِئن سنگوكو دوره بِمانسته بو كه تاكدا كوگا سركوب شورش يوسوگي زنشو واستي (آشيكاگا) ياور بوبوسته. يوسوگي زنشو (? – 1417)، آشيكاگا موچي اوجي پيله دوده بو و ايتا دوشمن آشيكاگا شوگون سَلاري واستي بو. هتويي بوبوسته كه يوسوگي و تاكدا كوگا، خوني دوشمن بوبوستيد و 150 سال مئن همديگر امره بِجَنگستيد. تا سنگوكو دوره فَرِسه و تاكدا كوگا فوگورده.

تاكدا شينگن

تاكدا هارونوبو (1467 - 1568) خو پئرِ (نوبوتورا) جاجيگاهَ سال 1540 مئن بِنيشته و اوستان كايي مئن چَكنه بوبوسته كه هسه او منطقهَ دوخانيد ياماناشي. تاكدا خو قودرتَ ويشترا گوده، پيله قودرت اوستان كايي مئن بوبوسته. 1559 مئن، هارونوبو خو نامَ عوضا گوده و بَنه تاكدا شينگن كه هَتو خوجير تر اونه شناسيد. شينگن چندَفا هوجو كوگا امره رو به رو بوبوسته و ويشتر خواستي خو شمالي صارايه پيلا كونه. و اويَه بوبوسته كه خو پيله جنگانَ، يوسوگي كنشين امره بگيفته. اَشان اي دسته كله گيفتن داشتيد كه جنگ كاواناكاجيما نام بيگيفته بو. اوشانه جنگ، 1553 مئن آغازا بوسته و او كه پيله تر و چَتينِ جنگ بوستي10 سپتامبر 1561 دَكَفته. شينگن خو خوجير تاكتيك و تازه كاران واستي، كه خو حشر و مايه دار مئن گودي پيله نام داشتي. ولي برخي تاريخنويس كس بيد كه بوگوفتيد كه اونه استراتژي خوجير بو، ولي اوشانه چاگوده كس نُبو. ولي هتويي شينگن، فوتورگ زئن، اسبان امره واستي ناماور بوبوسته. تا نيمه قرن 16 مئن كه شينگن قودرت داشتي، سواره ساموراييَن كه ويشتر تيركمان امره بيد بكارَ گيفته. شينگن جنگ ميكَ تاكاگاهارا 1572 مئن، اونه سواره حشر و مايه دار، پيله اثر پيروزي مئن داشتي. تازه تاكتيك شينگن، پيله اثر و آوازه ژاپون مئن داشتي و همه ور تاكدا حشر و مايه دارَ دوخاديد (كيبا گوندون: 騎馬軍団). سواره حشر و مايه دار

فوگوردستن

شينگن 13 مي 1573، 53 سالگي مئن ناخوشي واستي بِمرده. اونه ريك، كاتسويوري (1546 – 1582) اونه مانِستن تاكتيكي استعداد ناشتي. شينگن جانشين بوبوسته و سال 1575، جنگ ناگاشينو مئن دَشكن بوخورده اودا نوبوناگا جولو. نوبوناگا بِتَنسته اَ جنگ مئن شينگن جانشينان و زاكانَ نابودَ كونه. و اَ فوگوردستن، تاكدا كوگا رو پيله اثر داشتي. ولي هتويي توكوگاوا شوگون سَلاري مئن ، پيله جاجيگاه خوشانه ره داشتيد، كه سال 1603 مئن پا بيگيفته بو.

جير بِنيويشته

اينگيلسي ويكيپديا ايله جار بوگودِهان

↑ Cite encyclopedia | encyclopedia = Kokushi Daijiten (国史大辞典) | title = Takeda-shi (武田氏) | url = http://rekishi.jkn21.com/ | accessdate = 2012-05-09 | year = 2012 | publisher = Shogakukan | location = Tokyo | language = Japanese | archiveurl = https://web.archive.org/web/20070825113418/http://rekishi.jkn21.com/ | archivedate = ۲۵ اوت ۲۰۰۷ | dead-url = yes }}
↑ Cite encyclopedia | encyclopedia = Encyclopedia of Japan | title = Takeda family | url = http://rekishi.jkn21.com/ | accessdate = 2012-05-17 | year = 2012 | publisher = Shogakukan | location = Tokyo | archiveurl = https://web.archive.org/web/20070825113418/http://rekishi.jkn21.com/ | archivedate = ۲۵ اوت ۲۰۰۷ | dead-url = yes }}

[1] Cite encyclopedia | encyclopedia = Kokushi Daijiten (国史大辞典) | title = Takeda-shi (武田氏) | url = http://rekishi.jkn21.com/ | accessdate = 2012-05-09 | year = 2012 | publisher = Shogakukan | location = Tokyo | language = Japanese | archiveurl = https://web.archive.org/web/20070825113418/http://rekishi.jkn21.com/ | archivedate = ۲۵ اوت ۲۰۰۷ | dead-url = yes }}

[enc-takeda-2] Cite encyclopedia | encyclopedia = Encyclopedia of Japan | title = Takeda family | url = http://rekishi.jkn21.com/ | accessdate = 2012-05-17 | year = 2012 | publisher = Shogakukan | location = Tokyo | archiveurl = https://web.archive.org/web/20070825113418/http://rekishi.jkn21.com/ | archivedate = ۲۵ اوت ۲۰۰۷ | dead-url = yes }}

[۱]

[۲]