رش ٚ خيش
رش ٚ خيش یا رش ٚ خرس (علمي نؤم: Ursus arctos) دۊرؤشت‌هأیکل أ پيلاگۊر گۊنه‌اي خيش ٚ جي هيسه گه کلسيا آمريکا بأني اۊراسيا خئلي شرؤن ٚ مئن زيوش کۊنه. اي خيش ٚ وزن صد دا هأیصد کيلۊگرم مۊتفاوت هيسه یأ اۊن ٚ پيلاترين جيرگۊنه کؤدياک ٚ خيش نؤم دأره گه قواره اۊن ٚ شي قۊطبي خيش ٚ مۊسؤن هيسه یأ اۊن ٚ همرأ پيلاترين نؤع خيش ٚ جي بأني خۊشکي سر ٚ پيلاترين شکارچي مجنده عناوين ٚ سر رقابت کۊنه.
با اينگه رش ٚ خيش ٚ زيوشي شر کمابه یأ خئلي مناطق ٚ مئن مۊقۊب بؤبه ولي هندئه آی.یۊ.سي.ئن ٚ کمترين نگرؤني ليست ٚ مئن بؤمؤنسه[۱] یأ تقريباً ۲۰۰ هيزار جمعيت ٚ همرأ اينقراض ٚ خطر اۊن-ه تهديد نؤنه. ويشترين تئداد رش ٚ خيش ٚ جي به ترتيب رۊسيه، آمريکا (ويشتر آلاسکا مئن)، کانادا، کارپات ٚ منطقه (خۊصۊصاً رؤماني) بأني فنلاند، جایي گه کيشور ٚ مللي مجنده دؤخؤندن بۊنه، سۊکۊنت دأرن. ألبت سۊ ته جيرگۊنه اي گۊنه جي یأني کلسيا آفريقا خيش (بربر ٚ خيش)، کاليفؤرنيایي بأني مکزيکي نؤنزهۊمي یأ بيستؤمي قرن ٚ مئن مۊنقرض بؤبؤن أ برخي جيرگۊنه‌أن آسيا جۊنۊب ٚ مئن شديداً اينقراض ٚ خطر ٚ جي تهديد بۊنن. جيرگۊنه‌اي مارسيکایي رش ٚ خيش ٚ نؤمي محدۊد بؤبؤر ايتاليا مرکز ٚ مئن وۊجۊد دأره گه اۊشؤن ٚ تئداد ۵۰ دا ۶۰ رأس تخمين زأن بؤبه، اي جیرگۊنه اينقراض ٚ بؤحران ٚ مئن دره (critically endangerd). گيلان أ مازندرؤن ٚ خيشؤن أني یته جيرگۊنه شي هيسن گه سۊري رش ٚ خيش ٚ نؤم مأرۊف بؤبؤ نأ، اي جيرگۊنه-أ اينقراض ٚ خطر تهديد کۊنه (endangered).
ويشتر بؤخؤنين
دۊ ته خيش خۊ کۊته‌أن ٚ همرأ گيلان ٚ مئن دئن بؤبؤن
سربسؤن
- ↑ McLellan, B.N. , Servheen, C. & Huber, D. (2008).