O último samurai

O último samurai
Logo do filme.
Ficha técnica
Título orixinal	The Last Samurai
Director	Edward Zwick
Produtor	Edward Zwick Marshall Herskovitz Tatiana Le-bour Paula Wagner Scott Kroopf Tom Engelman
Guión	John Logan Edward Zwick Marshall Herskovitz
Intérpretes	Tom Cruise Ken Watanabe Shin Koyamada Billy Connolly Tony Goldwyn Timothy Spall Koyuki Masato Harada Togo Igawa William Atherton Seizo Fukumoto Scott Wilson Shun Sugata Hiroyuki Sanada
Música	Hans Zimmer
Fotografía	John Toll
Montaxe	Victor Du Bois Steven Rosenblum
Estudio	Radar Pictures Bedford Falls Company Cruise/Wagner
Distribuidora	Warner Bros. Pictures
Estrea	5 de decembro de 2003 30 de xaneiro de 2008 (TVG)
Duración	154 minutos
Orixe	Estados Unidos
Xénero	Drama, Épico
Orzamento	$140 000 000
Recadación	$456 758 981
Na rede
http://www.lastsamurai.com

O último samurai (en inglés: The Last Samurai) é un filme americano dirixido e co-producido por Edward Zwick, quen tamén co-escribiu o guión baseado na historia de John Logan. Está protagonizado por Tom Cruise (tamén é produtor) no papel do soldado americano Nathan Algren, cuxos conflitos persoais e emocionais o porán en contacto cos guerreiros samurai durante a Restauración Meiji do Xapón entre 1876 e 1877. Tamén interveñen no filme os actores Ken Watanabe, Shin Koyamada, Tony Goldwyn, Hiroyuki Sanada, Timothy Spall, e Billy Connolly. O argumento do filme está inspirado na Rebelión Satsuma de 1877 levada a cabo por Saigō Takamori, nas historias de Jules Brunet, un capitán da armada francesa que loitou a carón de Takeaki Enomoto na anterior Guerra Boshin e en Frederick Townsend Ward, un mercenario estadounidense que axudou a occidentalizar o exército chinés mediante a formación da Ever Victorious Army.

Estreouse en galego na TVG o 30 de xaneiro de 2008.

Sinopse

1870. O capitán Nathan Algren é un home sen obxectivos. As batallas que librou noutro tempo parecen agora distantes e inútiles. Arriscou a súa vida na Guerra Civil Estadounidense e nas campañas contra os indios, pero, dende entón, o mundo cambiou radicalmente: o pragmatismo substituíu o valor, o interese persoal ocupou o lugar do sacrificio, e o honor é unha palabra doutro tempo. Nun país afastado, outro soldado ve como o seu modo de vida está a piques de desintegrarse. É Katsumoto, o último líder dunha antiga caste de guerreiros, os venerados samurais, que adicaron as súas vidas a servir ó emperador e ó seu país.

Personaxes

• Tom Cruise como o capitán Nathan Algren, un soldado americano veterano da Guerra Civil Estadounidense e das Guerras Indias.
• Ken Watanabe como o líder samurai Moritsugu Katsumoto
• Shin Koyamada como Nobutada, o fillo de Katsumoto que é o señor da pequena vila onde os samurai están acampados e onde teñen retido a Algren. Katsumoto, o líder samurai, encoméndalle a Nobutada ensinarlle a Algren a cultura e a lingua xaponesa. El é asasinado durante o rescate de Katsumoto.
• Tony Goldwyn como Tenente Coronel Bagley, Capt. Oficial ó mando de Algren no rexemento do 7th Cavalry.
• Masato Harada como Omura, un empresario e político proreformista que rexeita a antiga orde samurai e o shogun.
• Nakamura Shichinosuke II como Emperador Meiji.
• Hiroyuki Sanada como Ujio, un dos máis adicados, leais e feros samurai de Katsumoto. El ensina a Algren a arte samurai da loita con catana.
• Timothy Spall como Simon Graham, o tradutor entre o Capitán Algren e os seus soldados xaponeses.
• Seizo Fukumoto como Samurai silencioso, un home vello asignado para seguir a Algren (quen máis tarde ao alcumaría samurai "Bob").
• Koyuki como Taka, irmá de Katsumoto e esposa do samurai Hirotaro, ó cal matou Nathan.
• Billy Connolly como Sarxento Zebulon Gant, un ex-soldado leal a Algren
• Shun Sugata como Nakao, un alto samurai coñecedor do jujutsu e a naginata, que toma parte no rescate de Katsumoto.
• Satoshi Nikaido como o N.C.O., un dos primeiros soldados adestrados por Algren.

Galardóns e nomeamentos

• 2003: 4 nomeamentos ó Oscar, incluíndo mellor actor secundario, vestiario, son.
• 2003: 3 nomeamentos ó Globo de Ouro: Mellor actor secundario, actor de drama, bso.
• 2003: National Board of Review: Mellor director (Edward Zwick).

Véxase tamén

Ligazóns externas

• Ficha na IMDb (en inglés)
• Ficha en Filmaffinity (en castelán)
• Web Oficial (en inglés)