Reial Club Deportiu Espanyol de Barcelona

Espanyol
Espanyol
Nome	Reial Club Deportiu Espanyol de Barcelona, S.A.D.
Alcume(s)	Periquitos
Fundación	28 de outubro de 1900 (124 anos)
Estadio	RCDE Stadium, ; Cornellà de Llobregat, España
Inauguración	2009
Capacidade	40.500
Propietario	Chen Yansheng
Presidente	Chen Yansheng
Adestrador	Manolo González
Liga	Primeira División Española
2019–20	20º (Primeira División)
Na rede
	http://www.rcdespanyol.cat/

O Reial Club Deportiu Espanyol de Barcelona S.A.D., coñecido como Espanyol, é un club de fútbol español fundado na cidade de Barcelona, en Cataluña, e que actualmente ten a súa sede social en Cornellà de Llobregat. Xoga na Primeira División Española.

Foi fundado en 1900 por un grupo de universitarios cataláns cuxo presidente foi Angel Rodríguez Ruiz. Naceu baixo o nome de Sociedade Española de Football debido a que todos as súas componenetes eran cataláns ou do resto de España, en contraposición con algúns equipos formados na súa maioría por estranxeiros como o FC Barcelona.

O club xogou 80 tempadas en Primeira e 5 en Segunda División. Entre os seus títulos figuran catro Copas do Rei e tamén foi subcampión da Copa da UEFA en dúas ocasións.

Uniforme

Uniforme titular: Camiseta a franxas grosas brancas e azuis, pantalón azul e medias brancas cunha franxa azul.
Uniforme alternativo: Camiseta negra cunha franxa horizontal gris, pantalón negro e medias negras con raias grises.

Estadio

Artigo principal: RCDE Stadium.

Actualmente o club xoga os seus partidos no RCDE Stadium, ata 2014 coñecido como Estadi Cornellà-El Prat. Antes de usar estas instalacións xogou de alugueiro no Olímpic Lluís Companys e antes o seu campo foi o de Sarrià ata 1997.

O club xogou o 31 de maio de 2009 o seu último encontro no Estadi Olímpic Lluís Companys, alugado polo Concello de Barcelona. O novo estadio inaugurouse o 2 de agosto de 2009. O RCDE Stadium é un dos máis modernos de Europa. Unha das súas características é o feito de que todos os afeccionados (40.500 prazas) están cubertos, só nas esquinas hai un pequeno sector de público que non o está. Este estadio ten a cualificación de estadio UEFA de 6 estrelas.

Datos do club

Tempadas en 1ª: 80
Tempadas en 2ª: 5 (incluída a 2020/21)
Tempadas en 2ªB: 0
Tempadas en 3ª: 0
Mellor clasificación na liga: 3º (tempadas: 32-33, 66-67 e 86-87)
Peor clasificación na liga: 20º (tempada 2019-20)
Clasificación histórica de Primeira División: 6º

Xogadores

Cadro actual

Actualizado a 6 de setembro de 2013.

Nº	Posto	Xogador
1	POR	Germán Parreño
2	DEF	Felipe Mattioni
3	DEF	Raúl Rodríguez
4	MED	Víctor Sánchez
5	MED	Sergio Tejera
6	DEF	Sidnei
7	DIA	Thievy Bifouma
8	DIA	Christian Stuani
9	DIA	Sergio García
10	DIA	Pizzi
11	DEF	Joan Capdevila
12	MED	Manuel Lanzarote

Nº	Posto	Xogador
13	POR	Kiko Casilla
14	MED	David López
15	DEF	Héctor Moreno
16	MED	Javi López
17	DEF	Víctor Álvarez
18	DEF	Juan Fuentes
19	DEF	Diego Colotto
20	MED	Simão Sabrosa
22	MED	Álex Fernández
23	MED	Abraham González
24	DIA	Jhon Córdoba
25	MED	Gabriel Torje

Os xogadores con dorsais superiores ao 25 son, para todos os efectos, xogadores do RCD Espanyol B e como talles, poderán compaxinar partidos co primeiro e segundo equipo. Como esixen as normas da LFP, os xogadores do primeiro persoal deberán levar os dorsais do 1 ao 25. Do 26 en diante serán xogadores do equipo filial.