Exército dos Estados Unidos de América

Exército dos Estados Unidos de América
Tipo	exército de terra
Data de fundación	14 de xuño de 1775
Nº de membros	1.018.000
Organización matriz	Departamento do Exército dos Estados Unidos
Organización subsidiaria	United States Army Forces Command, United States Army Training and Doctrine Command, United States Army Materiel Command, Southern European Task Force, Africa, Central do Exército dos Estados Unidos, United States Army North, Exército Sul dos Estados Unidos, United States Army Europe and Africa, United States Army Pacific, United States Army Special Operations Command, Surface Deployment and Distribution Command, United States Army Space and Missile Defense Command, United States Army Cyber Command, United States Army Test and Evaluation Command, United States Army Military District of Washington, Academia Militar dos Estados Unidos, United States Army War College, United States Army Installation Management Command, United States Army Accessions Command, United States Army Human Resources Command, Corpo de Engenheiros do Exército dos Estados Unidos, United States Army Intelligence and Security Command, United States Army Medical Command, Department of the Army Criminal Investigation Division, United States Army Research, Development and Engineering Command, United States Army Institute of Surgical Research, Telemedicine and Advanced Technology Research Center, United States Army Medical Research and Development Command, Office of the Inspector General of the United States Army, American Volunteer Motor Ambulance Corps e Army Medical Department
Premios	Silver Anvil Award e Silver Anvil Award
Sede	O Pentágono
Enderezo	The Pentagon, Washington, DC 20310
País	Estados Unidos de América
Na rede
https://army.mil e https://goarmy.com
[ editar datos en Wikidata ]

O Exército dos Estados Unidos de América (en inglés United States Army, abreviado U. S. Army) é a maior das pólas das Forzas Armadas dos Estados Unidos de América e a súa principal responsabilidade son as operacións militares terrestres. É un dos sete servizos uniformados dos Estados Unidos e o máis antigo de todas as forzas armadas estadounidenses, pois o moderno exército ten as súas raíces no Exército Continental que se formou o 14 de xuño de 1775 para loitar na Guerra de Independencia dos Estados Unidos (1775-1783), antes da creación dos Estados Unidos como estado independente. Despois desta guerra, o Congreso da Confederación creou o Exército dos Estados Unidos o 3 de xuño de 1784 para substituír o desmobilizado Exército Continental. O exército estadounidense considérase a si mesmo descendente do Continental e data a súa orixe institucional naquela forza armada nada en 1775.

Como servizo militar uniformado, forma parte do Departamento do Exército, que é un dos tres que dependen do Departamento de Defensa. Este exército está dirixido por un funcionario civil, o Secretario do Exército, e por un oficial militar, o Xefe de Estado Maior, que tamén é membro do Estado Maior Conxunto. No ano fiscal de 2017, a forza proxectada para o exército regular era de 460 000 soldados, a Garda Nacional tiña 335 000 soldados e o exército de reserva 195 000. A forza combinada era por tanto de 990 000 soldados. Como póla das forzas armadas estadounidenses, a misión deste exército é «loitar e gañar as guerras da nosa nación, achegando unha rápido e sostido dominio por terra por medio de todo tipo de operacións e o espectro completo do conflito, en apoio dos comandantes combatentes». Este exército intervén en conflitos por todo o mundo e é a maior forza terrestre ofensiva e defensiva dos Estados Unidos.