Ulrich de Löwendal

Ulrich de Löwendal
	;
Nome orixinal	(da) Ulrich von Löwendal
Biografía
Nacemento	6 de abril de 1700 ; Hamburgo, Alemaña
Morte	27 de maio de 1755 (55 anos); París, Francia
Actividade
Campo de traballo	Militar, servizo militar e política
Ocupación	político, militar
Membro de	Academia francesa das ciencias
Carreira militar
Lealdade	Imperio Ruso
Rama militar	Exército de Terra Francés
Rango militar	Marechal de França (pt) ; Xeneral
Conflito	Guerra de Sucessão da Polónia (pt) ; Guerra Russo-Turca (pt) ; Guerra de Sucesión Austríaca
Outro
Título	Conde
Cónxuxe	Barbara Szembeck
Parella	Marie-Jeanne Brillant
Fillos	Grevinde Benedikta Antonina von Lövendal; () Barbara Szembeck; Constance de Lowendal; () Barbara Szembeck; François Xavier Joseph de Lowendal; () Barbara Szembeck
Pais	Woldemar von Löwendal e Q96951378
Irmáns	Hedevig baronesse Løvendal; Ulrich Friedrich von Löwendal
Premios
	Cabaleiro da Orde do Espírito Santo; Cabaleiro da Orde de San Miguel; Cabaleiro da Orde de Santo Alexandre Nevski ;
Descrito pola fonte	Dicionario Enciclopédico Brockhaus e Efron; Enciclopédia militar Sytin (pt)

Ulrich de Woldemar ou Ulrich de Löwendal, conde de Löwendal, nado o 6 de abril de 1700 e finado o 27 de maio de 1755, foi un nobre e militar de orixe dinamarquesa, mariscal de Francia.

Traxectoria

Naceu en Hamburgo, fillo de Woldemar, barón de Löwendal, gran mariscal de Polonia, pertencía á casa de Holstein-Gottorp e estaba emparentado coa Casa Real dinamarquesa. En 1714 xa era capitán ó servir no exército imperial de Carlos VI. Loitou no exército dinamarqués contra os suecos e despois volveu ó exército imperial para loitar contra os turcos ás ordes do xeneral Uxío de Savoia (1716-1718) participando na batalla de Petrovaradin e nos sitios de Timişoara e Belgrado; combateu tamén contra os españois en Italia (1719), estivo ó servizo de Augusto II de Polonia quen lle deu o grao de mariscal de campo e inspector xeral da infantaría saxoa. Loitou contra os franceses no Rhin (1734) e no exército ruso contra os turcos (1739) e en Finlandia contra os suecos (1741-1743).

O mariscal Mauricio de Saxonia convenceuno para servir no exército francés co grao de tenente xeneral (1743), distinguiuse nos sitios de Menen e Ieper e na batalla de Fontenoy, onde estivo ó mando da reserva e cargou contra a columna inglesa á cabeza da brigada de Normandía, tomou deseguido Gante e diversas poboacións nos Países Baixos.

En 1747, a toma Berg-op-Zoom, que se tiña como inexpugnable, elevouno á dignidade de mariscal de Francia (17 de setembro de 1747). Foi membro de honra da Academia Real de Ciencias desde 1754 e o seu vicepresidente en 1755. Era tamén cabaleiro da Orde do Espírito Santo desde 1746.

Véxase tamén

Bibliografía

Jean de Viguerie, Histoire et dictionnaire du temps des Lumières. 1715-1789, París, Robert Laffont, coll. Bouquins, 2003 ISBN 2-221-04810-5