Copa Libertadores

Copa Libertadores

Tipo	competición futbolística
Deporte	fútbol
Organizador	Confederación Sudamericana de Fútbol
Liga inferior	Categoría Primeira A
Número de participantes	47
Localización  e  Datas
Vixencia	1960 –
Calendario da tempada	xaneiro –
Período de ocorrencia	1 ano
Competición
Primeiro posto	SE Palmeiras (2021)
Outro
Páxina web oficial	conmebollibertadores.com

A CONMEBOL Libertadores é a máxima competición continental de clubs de fútbol en Suramérica, organizada pola Confederación Suramericana de Fútbol, e que se disputa na primeira metade do ano dende 1960. Este torneo é o equivalente en Suramérica á Liga de Campións da UEFA en Europa.

O equipo con máis títulos da Copa Libertadores é o Independiente de Avellaneda con 7. O actual campión é o Palmeiras de São Paulo que gañou as edicións de 2020 e 2021, contra Santos e Flamengo respectivamente.

O equipo gañador da Copa Libertadores acada o dereito a disputar a Recopa Suramericana e a representar á Conmebol na Copa Mundial de Clubs da FIFA.

Formato da competición

A Copa Libertadores dispútase na primeira metade de cada ano, comezando en xaneiro e xogándose a final polo mes de xuño. O Brasil e a Arxentina achegan 5 equipos ó torneo, e cada ún dos restantes países da Conmebol achegan 3 equipos (o Uruguai, Chile, Paraguai, Bolivia, o Perú, Ecuador, Colombia e Venezuela). O país do equipo gañador na última edición, ten dereito a ter un representante a maiores. A Conmebol convida a México para que participe no torneo achegando outros 3 equipos. Deste xeito cada ano hai 38 equipos disputando a Copa Libertadores.

Primeira Fase

Na primeira fase participan os 12 peores equipos en función do xeito polo que acadaron o dereito a competir neste torneo. Por exemplo, Ecuador achega ós 3 primeiros equipos clasificados na súa liga o ano anterior, e neste caso o 3º equipo ten que partipar nesta primeira fase. Cada país ten un equipo nesta fase, menos o país do último campión, que ten 2 equipos nesta fase. A fase consiste nunha eliminatoria con encontros de ida e volta. Os 6 equipos gañadores pasan á segunda fase, que é a fase de grupos.

Fase de Grupos

A fase de grupos da Copa Libertadores é igual que a fase de grupos da Liga de Campións da UEFA. Consiste en 8 grupos con 4 equipos por grupo. Os 4 equipos de cada grupo xogan entre si na casa e fora, de xeito que cada equipo disputa 6 encontros, 2 fronte a cada equipo. Cando a fase de grupos remata, os 2 primeiros equipos de cada grupo pasan á seguinte fase, os oitavos de final.

Oitavos de final

Nos oitavos de final da Copa Libertadores enfróntanse os primeiros equipos da fase de grupos fronte ós segundos equipos. As eliminatorias son a dobre encontro, e os equipos que remataron primeiros na fase de grupos agora teñen dereito a xogar na casa o partido de volta. Os gañadores desta eliminatoria pasan a cuartos de final.

Cuartos de final

A esta fase do torneo chegan os 8 gañadores dos oitavos de final. Esta eliminatoria é igual que a anterior, a dobre encontro, ida e volta. O encontro de volta xógase na casa do equipo que foi mellor na fase de grupos, tendo en conta a posición no seu grupo (1º ou 2º) e os puntos e goles acadados. Os gañadores pasan ás semifinais.

Semifinais

Nas semifinais séguese a ter conta como foi a participación de cada un dos 4 equipos na fase de grupos para determinar quen xoga o encontro de volta na casa.

Final

Anteriormente a final da Copa Libertadores xogábase a dobre encontro, ida e volta, nos estadios que elixían os propios equipos, que ás veces eran os seus propios, e outras veces eran estadios próximos cunha maior capacidade para acoller ós seareiros. No caso de empate, o campión decidíase nos lanzamentos de penaltis. Dende 2019 xógase a partido único nun estadio neutral escollido pola Conmebol.

Palmarés

É importante sinalar que no caso de producirse un empate nunha final da Copa Libertadores, non se aplica a norma do valor dobre dos goles marcados fóra da casa, como se fai en Europa en competicións como a Liga de Campións da UEFA ou a Copa do Rei. Se se tivese aplicado esa norma, moitos dos campións da Copa Libertadores non o terían sido. Por exemplo, na final da edición 2008 houbo un 4-2 en Quito a prol do LDU Quito e un 3-1 no Río de Xaneiro a prol do Fluminense FC. De terse empregado a "norma do valor dobre dos goles marcados fora da casa en caso de empate", o campión sería o equipo brasileiro, pero a final decidiuse nos penaltis, e o campión foi o equipo de Ecuador. Esta situación tamén sucedeu no ano 2000. Ata 1987 a norma era que se cada equipo gañaba un encontro (polo resultado que fora) había que desempatar a final e no 1987 tivo que xogarse un partido de desempate a pesar de que no primeiro encontro da final o CD América venceu por 2-0 en Cali ó CA Peñarol, e no encontro de volta o CA Peñarol venceu por 2-1. Xa no 1988, houbo unha prórroga despois do segundo xogo final entre Nacional de Montevideo e Newell's Old Boys e o Nacional tivo vantaxe por mellor 'goal average' (3-1 no total da final) e co empate de 0-0 na prórroga gañou a Copa pola terceira vez. Un total de 12 finais tiveron un 3º encontro de desempate, algunhas delas a pesar de non existir empate a goles no global dos 2 primeiros encontros da final.

Imaxe da final 2011 entre Santos e Peñarol.

O Estudiantes a finais dos anos 60.

O Peñarol, gañador a comezos dos anos 60.

Finais da Copa Libertadores
Tempadas	CAMPIÓN	Resultados	Subcampión
2021	Palmeiras	2-1 (pro.)	Flamengo
2020	Palmeiras	1-0	Santos
2019	Flamengo	2-1	River Plate
2018	River Plate	2-2 e 3-1	Boca Juniors
2017	Grêmio	1-0 e 2-1	Lanús
2016	Atlético Nacional	1-1 e 1-0	Independiente del Valle
2015	River Plate	0-0 e 3-0	Tigres
2014	San Lorenzo	1-1 e 1-0	Nacional
2013	Atlético Mineiro	0-2 e 2-0 (Pen.)	Olimpia
2012	Corinthians	1-1 e 2-0	Boca Juniors
2011	Santos	0-0 e 2-1	Peñarol
2010	Internacional	2-1 e 3-2	Guadalajara
2009	Estudiantes LP	0-0 e 2-1	Cruzeiro
2008	LDU Quito	4-2 e 1-3 (Pen.)	Fluminense
2007	Boca Juniors	3-0 e 2-0	Grêmio
2006	Internacional	2-1 e 2-2	São Paulo
2005	São Paulo	1-1 e 4-0	Atlético Paranaense
2004	Once Caldas	0-0 e 1-1 (Pen.)	Boca Juniors
2003	Boca Juniors	2-0 e 3-1	Santos
2002	Olimpia	0-1 e 2-1 (Pen.)	São Caetano
2001	Boca Juniors	1-0 e 0-1 (Pen.)	Cruz Azul
2000	Boca Juniors	2-2 e 0-0 (Pen.)	Palmeiras
1999	Palmeiras	0-1 e 2-1 (Pen.)	Deportivo Cali
1998	Vasco da Gama	2-0 e 2-1	Barcelona
1997	Cruzeiro	0-0 e 1-0	Sporting Cristal
1996	River Plate	0-1 e 2-0	América
1995	Grêmio	1-1 e 3-1	Atlético Nacional
1994	Vélez Sársfield	1-0 e 0-1 (Pen.)	São Paulo
1993	São Paulo	5-1 e 0-2	Universidad Católica
1992	São Paulo	0-1 e 1-0 (Pen.)	Newell's Old Boys
1991	Colo-Colo	0-0 e 3-0	Olimpia
1990	Olimpia	2-0 e 1-1	Barcelona
1989	Atlético Nacional	0-2 e 2-0 (Pen.)	Olimpia
1988	Nacional	0-1 e 3-0	Newell's Old Boys
1987	Peñarol	0-2, 2-1 e 1-0	América
1986	River Plate	2-1 e 1-0	América
1985	Argentinos Juniors	1-1 e 3-1	América
1984	Independiente	1-0 e 0-0	Grêmio
1983	Grêmio	1-1 e 2-1	Peñarol
1982	Peñarol	0-0 e 1-0	Cobreloa
1981	Flamengo	2-1, 0-1 e 2-0	Cobreloa
1980	Nacional	0-0 e 1-0	Internacional
1979	Olimpia	2-0 e 0-0	Boca Juniors
1978	Boca Juniors	0-0 e 4-0	Deportivo Cali
1977	Boca Juniors	1-0 e 0-1 (Pen.)	Cruzeiro
1976	Cruzeiro	4-1, 1-2 e 3-2	River Plate
1975	Independiente	0-1, 3-1 e 2-0	Unión Española
1974	Independiente	1-2, 2-0 e 1-0	Sao Paulo
1973	Independiente	1-1, 0-0 e 2-1	Colo-Colo
1972	Independiente	0-0 e 2-1	Universitario
1971	Nacional	0-1, 1-0 e 2-0	Estudiantes LP
1970	Estudiantes LP	1-0 e 0-0	Peñarol
1969	Estudiantes LP	1-0 e 2-0	Nacional
1968	Estudiantes LP	2-1, 1-3 e 2-0	Palmeiras
1967	Racing Club	0-0, 0-0 e 2-1	Nacional
1966	Peñarol	2-0, 2-3 e 4-2	River Plate
1965	Independiente	1-0, 1-3 e 4-1	Peñarol
1964	Independiente	0-0 e 1-0	Nacional
1963	Santos	3-2 e 2-1	Boca Juniors
1962	Santos	2-1 2-3 e 3-0	Peñarol
1961	Peñarol	1-0 e 1-1	Palmeiras
1960	Peñarol	1-0 e 1-1	Olimpia

Títulos por club

Equipo	Títulos	Subcampionatos	Anos campión	Anos subcampión
Independiente	7	-	1964, 1965, 1972, 1973, 1974, 1975, 1984
Boca Juniors	6	5	1977, 1978, 2000, 2001, 2003, 2007	1963, 1979, 2004, 2012, 2018
Peñarol	5	5	1960, 1961, 1966, 1982, 1987	1962, 1965, 1970, 1983, 2011
River Plate	4	3	1986, 1996, 2015, 2018	1966, 1976, 2019
Estudiantes	4	1	1968, 1969, 1970, 2009	1971
Olimpia	3	4	1979, 1990, 2002	1960, 1989, 1991, 2013
Nacional	3	3	1971, 1980, 1988	1964, 1967, 1969
São Paulo	3	3	1992, 1993, 2005	1974, 1994, 2006
Palmeiras	3	3	1999, 2020, 2021	1961, 1968, 2000
Santos	3	2	1962, 1963, 2011	2003, 2020
Grêmio	3	2	1983, 1995, 2017	1984, 2007
Cruzeiro	2	2	1976, 1997	1977, 2009
Internacional	2	1	2006, 2010	1980
Atlético Nacional	2	1	1989, 2016	1995
Flamengo	2	1	1981, 2019	2021
Colo-Colo	1	1	1991	1973
Racing Club	1	-	1967
Argentinos Juniors	1	-	1985
Vélez Sarsfield	1	-	1994
Vasco da Gama	1	-	1998
Once Caldas	1	-	2004
Liga de Quito	1	-	2008
Corinthians	1	-	2012
Atlético Mineiro	1	-	2013
San Lorenzo	1	-	2014
América de Cali	-	4		1985, 1986, 1987, 1996
Cobreloa	-	2		1981, 1982
Newell's Old Boys	-	2		1988, 1992
Barcelona	-	2		1990, 1998
Deportivo Cali	-	2		1978, 1999
Universitario	-	1		1972
Unión Española	-	1		1975
Universidad Católica	-	1		1993
Sporting Cristal	-	1		1997
Cruz Azul	-	1		2001
São Caetano	-	1		2002
Athletico Paranaense	-	1		2005
Fluminense	-	1		2008
Guadalajara	-	1		2010
Nacional	-	1		2014
Tigres	-	1		2015
Independiente del Valle	-	1		2016
Lanús	-	1		2017

Véxase tamén

Outros artigos

• Conmebol
• Copa América
• Copa Mundial de Clubs da FIFA
• Liga de Campións da UEFA

Ligazóns externas

• Páxina oficial da Copa Libertadores da Conmebol Arquivado 08 de xullo de 2012 en Wayback Machine. (en castelán)
• Base de datos da Copa Libertadores en RSSSF (en inglés)