Crisantemo
| Crisantemos (xénero Chrysanthemum) | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Conxunto de chrysanthema | |||||||||||||||||||||||
| Clasificación científica | |||||||||||||||||||||||
| |||||||||||||||||||||||
| Especies | |||||||||||||||||||||||
Os crisantemos son plantas de flor pertencentes ao xénero Chrysanthemum, con arredor de 30 especies, de fanerógamas perennes na familia Asteraceae. Son nativa de Asia e do nordés de Europa. O nome provén do grego χρυσἄνθεμο transl. Krysanthemo (flor de ouro).
É unha planta de tradición de cultivo milenario nos países asiáticos. Cultívase dende hai máis de 2.500 anos na China e é considerada unha das plantas nobres chinesas (as outras son o bambí, a ameixeira e a orquídea). Era o distintivo oficial do exército e unha exclusividade da nobreza.
Foi levada ao Xapón polos budistas. Pola súa semellanza co sol nacente, acabou por se tornar un símbolo do país, inclusive o trono do emperador era coñecido como o "Trono do Crisantemo". Existía a lenda de que un único pétalo da flor, colocado no fondo dunha cunca de viño, traería vida longa e saudábel.
Foi levada para o occidente no século XVII. O nome foille atribuído por Carl von Linné, combinando o prefixo grego chrys-, que significa dourado (a cor das flores orixinais), e -anthemon, que significa flor.
Existen máis de 100 especies e máis de 800 variedades comercializadas no mundo. O seu porte é herbáceo e xeralmente de 1 metro. A súa propagación dáse por espichos e espeques en invernadoiros e alcouves e tamén por sementes, e dá flores o ano enteiro.
Precisa de moita luz, porén, non soporta sol directo. Prefire clima quente e húmido.
O cultivo en Galiza é moi común na xardinaxe e nos cemiterios, sendo consideradas flores da morte e moi empregadas no día de defuntos coma enfeite dos nichos.
As variedades silvestres reciben os nomes comúns de pampillos ou pampullos.
Especies
[editar | editar a fonte]- Chrysanthemum anethifolium
- Chrysanthemum aphrodite
- Chrysanthemum arcticum
- Chrysanthemum argyrophyllum
- Chrysanthemum arisanense
- Chrysanthemum boreale
- Chrysanthemum chalchingolicum
- Chrysanthemum chanetii
- Chrysanthemum cinerariaefolium
- Chrysanthemum coronarium, crisantemo común, pampillo, ollo de boi.
- Chrysanthemum crassum
- Chrysanthemum frutescens
- Chrysanthemum glabriusculum
- Chrysanthemum hypargyrum
- Chrysanthemum indicum
- Chrysanthemum japonense
- Chrysanthemum japonicum
- Chrysanthemum lavandulifolium
- Chrysanthemum leucanthemum
- Chrysanthemum mawii
- Chrysanthemum maximowiczii
- Chrysanthemum myconis , pampillo das searas
- Chrysanthemum mongolicum
- Chrysanthemum morifolium
- Chrysanthemum morii
- Chrysanthemum okiense
- Chrysanthemum oreastrum
- Chrysanthemum ornatum
- Chrysanthemum pacificum
- Chrysanthemum paludosum
- Chrysanthemum parthenium
- Chrysanthemum potentilloides
- Chrysanthemum segetum, pampillo amarelo.
- Chrysanthemum shiwogiku
- Chrysanthemum sinuatum
- Chrysanthemum vestitum
- Chrysanthemum weyrichii
- Chrysanthemum yoshinaganthum
- Chrysanthemum zawadskii
Clasificación do xénero
[editar | editar a fonte]| Sistema | Clasificación | Referencia |
|---|---|---|
| Linné | Clase Syngenesia, orde Polygamia superflua | Species plantarum (1753) |
