Sociedad Deportiva Octavio
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
| Academia Octavio | |||
|---|---|---|---|
 Equipo do Octavio no Trofeo Concello do Rosal 2014 | |||
| Nome completo | Sociedad Deportiva Octavio | ||
| Cidade | Vigo,  Galicia | ||
| Historia | 1966-2018 | ||
| Fundado | 1966 | ||
| Disolto | 2019 | ||
| Pavillón | As Travesas (4.500 espectadores) | ||
| Presidente | Javier Rodríguez López | ||
| Adestrador | Enrique Domínguez | ||
| Competición | División de Honra | ||
| Cores | Vermello e branco | ||
| Na rede | |||
| http://www.academiaoctaviovigo.com/ | |||
   | |||
| |||
| Sitio web Sitio web oficial | |||
O Octavio Pilotes Posada foi un equipo de balonmán de Vigo que antes da súa disolución en 2019 militaba no grupo A da Primeira Estatal. Xogaba como local no Complexo Deportivo das Travesas de Freixeiro, con capacidade para 4.500 persoas.
Historia
[editar | editar a fonte]O Academia Octavio de Vigo foi fundado en 1966 por Octavio Rodríguez (pai do presidente Javier Rodríguez). O club comezou como equipo feminino, mais aos dous anos apareceu a sección masculina. Dous anos máis tarde desapareceu a sección feminina, deixando unicamente á sección masculina como representante do club.
En 1970 conseguiu o ascenso a 1ª Nacional, e o 5 de marzo de 1975 conseguiu o seu primeiro ascenso á Divisón de Honra. Logo de xogar dous anos na máxima categoría, o Octavio descendeu a 1ª Nacional. Na tempada 1979-80, o club olívico regresou por segunda vez na súa historia á máxima categoría. Desta vez, a súa andaina durou tres anos, tralos cales perdeu novamente a categoría.
Despois de tres anos na 1ª Nacional, o Academia Octavio tivo que xogar en 2ª Nacional durante a tempada 1985-86, aínda que ese mesmo ano conseguiu o ascenso a 1ª Nacional "B", categoría na que permaneceu ata a tempada 1990-91, cando conseguiu o ascenso a 1ª Nacional "A". Dúas tempadas máis tarde, na 1992-93, conseguiu o retorno á máxima categoría do balonmán español da man de Alejandro López. Nese momento comezaba a época dourada do club vigués: semifinais da Copa ASOBAL e final da Copa do Rei na tempada 1994-95, cuarto posto na tempada 1995-96, e tres anos consecutivos xogando competicións europeas. Mesmo nas tempadas 1996-97 e 1997-98 disputou as semifinais da Copa EHF e da City Cup respectivamente.
Na tempada 1997-98, o Octavio perdeu a categoría volvendo á División de Honra "B". A partir dese ano, o Octavio comezou a intercalar tempadas na División de Honra "B" con tempadas en ASOBAL (das últimas 13 tempadas: 6 en ASOBAL e 7 na División de Honra "B") gañando a sona de equipo "ascensor".
Na tempada 2010-11 acadou novamente o ascenso logo de pasar un ano na segunda categoría.
Véxase tamén
[editar | editar a fonte] |
Wikimedia Commons ten máis contidos multimedia na categoría: Sociedad Deportiva Octavio  |