Árbore das bruxas
Árbore das bruxas | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||
Clasificación científica | |||||||||||||||||||||
| |||||||||||||||||||||
Nome binomial | |||||||||||||||||||||
'Metrosideros excelsa' Gaertn. | |||||||||||||||||||||
Sinonimia | |||||||||||||||||||||
|
A árbore das bruxas[2] ou metrosideros excelso[3] (Metrosideros excelsa) é unha árbore perennifolia da familia dos mirtos que produce un feixe de flores rechamangueiras compostas de conxuntos de estames. O metrosídero é unha das doce especies de Metrosideros endémicas de Nova Zelandia. Chámase pōhutukawa na súa lingua. En Galiza atopamos varios exemplares coma ornamentais, algúns deles senlleiros.
Descrición
[editar | editar a fonte]![](http://upload.wikimedia.org/wikipedia/commons/thumb/5/5b/PohutukawaCornwallis.jpg/250px-PohutukawaCornwallis.jpg)
A árbore medra até 20 m de altura, cunha copa extensa en forma de cúpula. O seu rango natural son as rexións costeiras da Illa do Norte de Nova Zelandia, ao norte dunha liña que se estende dende New Plymouth (39° S) a Gisborne (39° S). Tamén medra á beira dos lagos da área de Rotorua. Un espécime xigante de pohutukawa en Te Araroa, na beiramar leste, ten sona de ser a árbore máis grande do país, cunha altura de 20 m e unha extensión de follaxe de 38 m.[4] A árbore ten a reputación de ser un habitante dos cavorcos. É capaz de se manter agarrado ás fendas das abas en precarias e case verticais situacións. Algúns espécimes teñen raíces aéreas enmarañadas e fibrosas. Como o seu pariente hawaiano o lehua (M. polymorpha), a árbore do fogo amosouse eficiente na colonización dos campos de lava, notabelmente na Illa Rangitoto, un volcán no porto de Auckland.
Flores
[editar | editar a fonte]O pohutukawa florea de novembro a xaneiro cun pico no medio do final de decembro (o verán do hemisferio sur), con brillantes flores carmesí cubrindo a árbore, polo tanto ten o sobrenome de árbore de Nadal de Nova Zelandia. Hai unha variación entre as árbores individuais no tempo da floración, na sombra e brillo das flores. En poboacións illadas a deriva xenética resultou en variación local: moitas das árbores que medran arredor dos lagos producen flores rosadas, e hai cultivares de flores amarelas, "Aurea", descendentes dun par descuberto en 1940 na Illa Motiti en Bay of Plenty (Baía da fartura).
Conservación
[editar | editar a fonte]En Nova Zelandia, a árbore do fogo está ameazada pola especie Trichosurus vulpecula que consome as súas follas. Un fondo caritativo de conservación, Project Crimson (Proxecto Carmesí), ten o obxectivo de reverter o declive da pohutukawa e doutras especies de Metrosideros.
Árbores senlleiras en Galiza
[editar | editar a fonte]![](http://upload.wikimedia.org/wikipedia/commons/thumb/8/86/%C3%81rbore_das_bruxas_-_A_Coru%C3%B1a.jpg/220px-%C3%81rbore_das_bruxas_-_A_Coru%C3%B1a.jpg)
Dous exemplares de árbores do fogo (Metrosideros excelsa) figuran no catálogo de árbores senlleiras de Galiza, elaborado pola Xunta de Galicia:
- Árbore do fogo do Xardín da Torre de Andrade, en Pontedeume (A Coruña).
- Árbore do fogo do xardín da Policía da Coruña, na Coruña.
Cultivo
[editar | editar a fonte]![](http://upload.wikimedia.org/wikipedia/commons/thumb/c/c5/MetrosiderosAK.jpg/220px-MetrosiderosAK.jpg)
A árbore do fogo é unha árbore popular ornamental, vizosa e doada de cultivar. Áchase naturalizada na área de Wellington no norte da Illa do Sur. A pohutukawa foi ademais introducida en países de clima temperado a subtropical, incluíndo o sueste de Australia, naturalizándose na Illa Norfolk. Na costa de California, é unha árbore popular de rúa e xardín. En partes de Suráfrica o metrosídero medra tan ben que é considerado especie invasora, tamén se está a naturalizar nos cavorcos costeiros da rexión de Sydney, Australia.
En Europa dáse moi ben en Galiza, chegando á Coruña[5] e o sur de Inglaterra.[6]
Notas
[editar | editar a fonte]- ↑ Sinónimos en Kew
- ↑ Jaime Bernardo Blanco-Dios (2010) As árbores da cidade de Pontevedra: flora ornamental arborescente do núcleo urbano de Pontevedra. Concello de Pontevedra, p. 144
- ↑ "Decreto 67/2007, do 22 de marzo, polo que se regula o Catálogo Galego de Árbores Senlleiras.
- ↑ "Native Plant Information". Trees for Survival. Arquivado dende o orixinal o 25 de xuño de 2007. Consultado o 13 marzo 2007. Arquivado 21 de febreiro de 2008 en Wayback Machine.
- ↑ "Pohutukawa en España". Te Ara Encyclopedia of New Zealand. Arquivado dende o orixinal o 19-02-2009. Consultado o 18-06-2009. Arquivado 19-02-2009 en Wayback Machine.
- ↑ "Metrosideros excelsa en Inglaterra" (PDF). Royal Horticultural Society. Arquivado dende o orixinal (PDF) o 03-03-2009. Consultado o 18-06-2009. Arquivado 03-03-2009 en Wayback Machine.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Árbore das bruxas |
![]() |
Wikispecies posúe unha páxina sobre: Árbore das bruxas |
Bibliografía
[editar | editar a fonte]- Simpson, P., 2005. Pōhutukawa & Rātā: New Zealand's Iron-Hearted Trees. Wellington: Te Papa Press.
Outros artigos
[editar | editar a fonte]Ligazóns externas
[editar | editar a fonte]- "Metrosideros excelsa". New Zealand Plant Conservation Network. Arquivado dende o orixinal o 10-12-2007. Consultado o 09-06-2007. Arquivado 10-12-2007 en Wayback Machine.
- "Pohutukawa Fact Sheet" (PDF). Project Crimson. Arquivado dende o orixinal (PDF) o 14-06-2007. Consultado o 09-06-2007. Arquivado 14-06-2007 en Wayback Machine.