Las chicas del cable

Las chicas del cable
País de orixe	España
Lingua(s)	castelá
Emisión orixinal
Canle de orixe	Netflix
Na rede
	https://www.netflix.com/title/80100929
	[ editar datos en Wikidata ]

Las chicas del cable é a primeira serie de Netflix producida en España.^[1] As personaxes protagonistas están representadas por Blanca Suárez, Nadia de Santiago, Ana Fernández García e Maggie Civantos. A historia ambiéntase en Madrid entre os anos 1920 e 1930. A súa estrea foi o 28 de abril de 2017.^[2] O 31 de maio dese ano confirmouse unha segunda temporada que saíu o 25 de decembro de 2017 e unha terceira, estreada o 7 de setembro de 2018.

Sinopse

A trama xira en torno ás relacións persoais e profesionais de catro rapazas. Lidia, que é unha estafadora, oculta a súa identidade para escapar do seu pasado, o que a leva a traballar na compañía telefónica nacional co obxectivo de roubar os planos do edificio. Será na compañía onde coñeza as súas compañeiras; Carlota, filla dun coronel, quere acabar coas normas impostas polos seus pais. Marga, enviada pola súa avoa, múdase a Madrid para deixar de vivir na aldea. Ángeles, a máis veterana da empresa, quere conseguir un ascenso, pero o seu marido dificultaralle tomar certas decisións.

Personaxes

Blanca Suárez é Lidia Aguilar Dávila (naceu como Alba Romero Méndez).
Maggie Civantos é Ángeles Vidal.
Ana Fernández García é Carlota Rodríguez de Senillosa.
Nadia de Santiago é María Inmaculada “Marga” Suárez.
Yon González é Francisco Gómez.
Martiño Rivas é Carlos Cifuentes.
Ana Polvorosa é Sara Millán.
Sergio Mur é Mario Pérez.
Borja Luna é Miguel Pascual.
Nico Romero é Pablo Santos Villanueva.
Iria del Río é Carolina Moreno.
Ángela Cremonte é Elisa Cifuentes.

Primeira temporada

A trama xira arredor das relacións amorosas e profesionais. Lidia sincérase coas súas amigas e explica a súa situación persoal, elas deciden axudala para acabar coa extorsión. Ao final, a falsa identidade de Lidia acaba sendo descuberta por todos, mentres que os planos que roubaron están con Carlota.

A nivel amoroso, Lidia acepta a petición de matrimonio de Carlos. Carlota, Sara e Miguel teñen problemas na súa relación poliamorosa. Por último, Ángeles dubida se dar unha nova oportunidade ao seu marido.

Premios

Os premios que gañou a serie foron os seguintes: un Premio Ondas á mellor webserie de ficción ou programa de emisión online en 2017, un Premio Platino entregado a Blanca Suárez á Mellor interpretación feminina en miniserie de televisión en 2018 e un Premio da Unión de Actores entregado a Ana Polvorosa á Mellor actriz secundaria de televisión en 2018.

A serie tamén estivo nomeada aos Premios Feroz e aos Premios Platino, pero non conseguiu gañalos.

Notas

↑ Pérez, Laura (2017-04-21). "Hemos visto 'Las chicas del cable': Así es la primera serie española de Netflix". Vertele (en castelán). Consultado o 2024-04-10.
↑ "El 28 de abril se estrena 'Las chicas del cable', la primera serie española de Netflix". ELMUNDO (en castelán). 2017-02-17. Consultado o 2024-04-10.

Véxase tamén

Ligazóns externas

"‘Las chicas del cable’: resumen y lo que debes saber antes de ver la 3ª temporada" As (en castelán).

[1] Pérez, Laura (2017-04-21). "Hemos visto 'Las chicas del cable': Así es la primera serie española de Netflix". Vertele (en castelán). Consultado o 2024-04-10.

[2] "El 28 de abril se estrena 'Las chicas del cable', la primera serie española de Netflix". ELMUNDO (en castelán). 2017-02-17. Consultado o 2024-04-10.

[1]

[2]