Kamov Ka-27
| Kamov Ka-27 | |
|---|---|
.jpg) Ka-27 da Armada de Rusia | |
| Tipo | helicóptero de guerra antisubmarina |
| Fabricante | Kamov |
| Primeiro voo | 24 de decembro de 1973 |
| Introducido | 1982 |
| Produción | 1981-presente |
| Unidades construídas | 267 |
| Variantes | Kamov Ka-31 |
O Kamov Ka-27 (designación OTAN: 'Helix') é un helicóptero militar desenvolvido para a Armada Soviética. No presente está en servizo en varios países como Rusia, Ucraína, Vietnam, a China, Corea do Sur e a India. Entre as súas variantes están o transporte de asalto Ka-29, a versión de exportación Ka-28, e o Ka-32 para uso civil.
Deseño e desenvolvemento
[editar | editar a fonte]O helicóptero foi desenvolvido para tarefas de transporte e guerra antisubmarina. Os traballos de deseño comezaron no ano 1969 e o seu primeiro prototipo voou o 24 de decembro de 1973. Estaba destinado a substituír o vello Kamov Ka-25, e é semellante ao seu predecesor debido aos requirimentos para que entrase no mesmo espazo de hangar. Ao igual que outros helicópteros militares de Kamov ten rotores coaxiais, eliminando a necesidade dun rotor de cola. Entre as súas variantes, o Ka-32A11BC con motor Klimov conseguiu a certificación para operacións comerciais en distintas partes do mundo, destacando Canadá e Europa.