Eduard Holzmair
| Biografía | |
|---|---|
| Nacemento | 4 de outubro de 1902 Viena, Austria  |
| Morte | 23 de decembro de 1971 (69 anos) Viena. Austria. |
| Lugar de sepultura | Cemiterio de Dornbacher. |
| País de nacionalidade | Austríaca |
| Educación |  Universidade de Viena |
| Actividade | |
| Campo de traballo | Numismática, historia e museoloxía. |
| Ocupación | profesor universitario, numismático, historiador |
| Empregador | Universidade de Viena |
| Premios | |
| (1967): Medalla Eckhel (ÖNG). | |
Eduard Holzmair, nado en Viena o 4 de outubro de 1902 e finado na mesma cidade o 23 de decembro de 1971, foi un numismático e historiador económico austríaco, director do Gabinete Numismático de Viena.
Traxectoria
[editar | editar a fonte]Eduard Holzmair naceu en Viena o 4 de outubro de 1902 e alí cursou a súa educación primaria e secundaria.[1][2]
Logo dun breve período traballando no Banco Anglo-Austríaco (Anglo-Österreichischer Bank), Holzmair iniciou en 1926 os seus estudos superiores de Lingua e Literatura Alemás, Historia, Ciencias Históricas Auxiliares e Arte na Universidade de Viena. Entre 1929 e 1931 ingresou no Instituto de Investigación Histórica de Austria, da mesma universidade, e durante ese curso preparou a súa tese titulada Eckehart und Tauler. Ein Vergleich ("Eckehart e Tauler. Unha comparación", coa que acadou o doutoramento en 1931.[1][2]
A carreira profesional de Hiolzmair estivo moi vinculada ao Gabinete Numismático de Viena, no que traballou desde 1929 como voluntario e desde 1931 como conservador axudante. Finalmente, en 1949 sucedeu a August Loehr na dirección do Gabinete, posto que desempeñou ata a súa xubilación en 1967.[1][3] Ese último ano asumiu tamén, efemeramente, o cargo de director do Museo de Historia da Arte de Viena (Kunsthistorisches Museum), que alberga o gabinete numismático.[2][4]
Paralelamente á súa actividade no Gabinete Numismático de Viena, Holzmair foi desde 1949 profesor a título particular e a partir de 1959 profesor asociado de Numismática e Historia do Diñeiro na Universidade de Viena.[1][2][3]
Entre outras entidades asociativas, Holzmar pertenceu á xunta directiva da Sociedade Numismática Austríaca, en condición de vicepresidente, entre 1950 e 1968.[1][2][3]
Eduard Holzmair finou en Viena o 23 de decembro de 1971 e foi soterrado no cemiterio de Dornbacher.[2]
Recoñecementos
[editar | editar a fonte]- (1967): Medalla Eckhel, da Sociedade Numismática Austríaca, de Viena.[5]
Publicacións
[editar | editar a fonte]Esta é unha escolma dos traballos monográficos máis representativos dos publicados por Eduard Holzmair ao longo da súa carreira:[6][7]
- (1937). Medicina in nummis: Sammlung Dr. Josef Brettauer (con J. Brettauer). Autoedición, Viena.
- (1946). Münzgeschichte der österreichischen Neufürsten. Österreichische Numismatische Gesellschaft, Viena.
- (1948). Münzkunst in Österreich. Wolfrum, Viena.
- (1948). Österreichische Münzprägungen, 1519-1938 (con A. Loehr e V. von Miller). 2 volumes. Verein der Museumsfreunde, Viena.
- (1958). Bundessammlung von Medaillen: Münzen und Geldzeichen. Kunsthistorisches Museum, Viena.
- (1959). Münzfunde 1946-1950 und 1951-1955. F. Berger, Viena.
Notas
[editar | editar a fonte]- ↑ 1,0 1,1 1,2 1,3 1,4 Löscher, M. (2020).
- ↑ 2,0 2,1 2,2 2,3 2,4 2,5 Koch, B. (1972).
- ↑ 3,0 3,1 3,2 Hävernik, W. (1971).
- ↑ Holzmair, E. (1972). "Meine Tätigkeit in der Bundessammlung von Medaillen, Münzen und Geldzeichen in den Jahren 1929-1967". En Numismatische Zeitschrift. ÖNG. Nº 78/88. Páxinas 8-15.
- ↑ "Die Eckhel Medaille". Sitio web da ÖENG.
- ↑ "Holzmair, Eduard 1902-1971 Arquivado 25 de outubro de 2021 en Wayback Machine.". Digital Library Numis.
- ↑ "Holzmair, Eduard". WorldCat Identities.
Véxase tamén
[editar | editar a fonte]Bibliografía
[editar | editar a fonte]- Hävernik, W. (1971). "Eduard Holzmair". En Compte rendu, 18. International Numismatic Commission. Páxina 20.
- Koch, B. (1972). "Univ.-Prof. Hofrat Dr. Eduard Holzmair". En Numismatische Zeitschrift. Volumes 87/88. Páxinas 3-7.
- Koch, B. (1972). "Eduard Holzmair". En Mitteilungen des Instituts für Österreichische Geschichtsforschung. Vol. 80. Páxinas 3-4.
- Löscher, M. (2020). "Eduard Holzmair". En Lexikon der Östterrichischen Provenienz Forschung.
