Monte Fuji
O monte Fuji (富士山 Fujisan?, Xaponés: [ɸɯꜜ(d)ʑisaɴ])[1] ou Fugaku, situado na illa de Honshū, é a montaña máis alta do Xapón, cunha elevación do cumio de 3.776,24 metros. É o segundo volcán máis alto situado nunha illa de Asia (despois do Monte Kerinci na illa de Sumatra), e o sétimo pico máis alto dunha illa na Terra.[2] O monte Fuji é un estratovolcán activo que entrou en erupción por última vez entre 1707 e 1708.[3][4] A montaña está situada a uns 100 km ao suroeste de Tokio e é visible desde alí nos días despexados. O cono excepcionalmente simétrico do Monte Fuji, que está cuberto de neve durante uns cinco meses ao ano, utilízase habitualmente como icona cultural do Xapón e é frecuentemente representado na arte e na fotografía, así como visitado por turistas e alpinistas.[5]
O monte Fuji é unha das "Tres Montañas Sagradas" (三霊山 Sanreizan?) do Xapón xunto co Monte Tate e Monte Haku. É un lugar especial de beleza paisaxística e un dos Lugares históricos.[6] Engadiuse á Lista do Patrimonio Mundial como Ben Cultural o 22 de xuño de 2013.[6] Segundo a UNESCO, o Monte Fuji "inspirou a artistas e poetas e foi obxecto de peregrinación durante séculos". A UNESCO recoñece 25 sitios de interese cultural dentro do sitio do monte Fuji. Estes 25 lugares inclúen a montaña e o santuario xintoísta, Fujisan Hongū Sengen Taisha.[7]
Características
Aínda que o monte Fuji pareza ser un cono único e simétrico, no interior é máis complexo do que se poida imaxinar. O cono que nós chamamos de monte Fuji está realmente constituído por tres volcáns sobrepostos: Komitake, Fuji maior e Fuji menor. Un ollar atento e próximo da silueta das montañas revela irregularidades que son resultado desta sobreposición. Por exemplo, unha lixeira elevación da inclinación na zona norte da montaña, a cerca de 2.301 metros de altitude, fai parte do cume do cráter de Komitake, o máis antigo dos tres volcáns, que estivo activo durante o Plistoceno. O Fuji maior estivo activo entre 80.000 e 10.000 anos atrás. Os acontecementos volcánicos que tiveron lugar nos últimos 10.000 anos contribuíron no crecemento do Fuji menor, a montaña que vemos actualmente. Modelo:Patrimonio Mundial
Notas
- ↑ A Enciclopedia Galega Universal denomínao Fuji-San ou Fuji-Yama e a Diciopedia do século 21 Fujiyama
- ↑ "富士山情報コ–ナ–". Sabo Works at Mt.Fuji. Arquivado dende o orixinal o 07 de xaneiro de 2019. Consultado o 16 de xaneiro de 2023.
- ↑ "Active Volcanoes of Japan". AIST. Geological Survey of Japan. Consultado o 7 de marzo de 2016.
- ↑ "Mount Fuji". Britannica Online. Consultado o 17 de outubro de 2009.
- ↑ Scheffel, Richard L.; Wernet, Susan J., eds. (1980). Natural Wonders of the World. United States: Reader's Digest Association. p. 153. ISBN 0-89577-087-3.
- ↑ 6,0 6,1 [1] Arquivado 27 de xuño de 2013 en Wayback Machine.
- ↑ Centre, UNESCO World Heritage. "Fujisan, sacred place and source of artistic inspiration". UNESCO World Heritage Centre (en inglés). Consultado o 2022-02-11.
Véxase tamén
 |
Wikimedia Commons ten máis contidos multimedia na categoría: Monte Fuji  |
Outros artigos
Ligazóns externas
- "Fujisan (Mount Fuji)" (PDF). Japan Meteorological Agency. Arquivado dende o orixinal (PDF) o 2015-09-24.
- Fujisan (Mount Fuji) – Smithsonian Institution: Global Volcanism Program
- Comprehensive Database of Archaeological Site Reports in Japan, Nara National Research Institute for Cultural Properties
- 3 dimensional model of Mount Fuji on sketchfab
- Official Web Site of Mt.Fuji Climbing
- Mount Fuji as seen from the air SCIENCE CHANNEL（JST）(en xaponés)
