Dís

O heroe viquingo Ragnar Lodbrok exclamou no Krákumál: "as dísir chámanme á súa casa (ó Valhalla)". Ilustración dunha dama recibindo a Odín. Pedra de Tjängvide, Gotland.

Na mitoloxía nórdica, unha dís ("dama" en antigo nórdico, e dísir en plural) é unha pantasma, espírito ou deidade asociada co destino que poden ser benevolentes ou malvadas coa xente mortal. As Dísir actuaban como espíritos protectores dos clans nórdicos. A súa función orixinal era posiblemente a de ser deusas da fertilidade. As dísir, como as valquirias, norns e vættir son case sempre referidas colectivamente.