Guillerme de Malmesbury

Vidreira na que aparece representado Guillerme de Malmesbury, na abadía (1928).

Vista da abadía de Malmesbury en Wiltshire, Inglaterra. A abadía terminouse en 1180.

Guillerme de Malmesbury, nado c. 1080/1095 e finado c. 1143, foi un historiador medieval inglés do século XII, que naceu cara a 1080/1095, en Wiltshire.

Traxectoria

O seu pai era normando e a súa nai inglesa. Pasou toda a súa vida en Inglaterra, traballando como monxe na abadía de Malmesbury.

Escribiu unha historia que está dividida en dúas partes: A Gesta regum anglorum (Feitos dos reis ingleses (449-1127)) escrita cara a 1120, e a Historia Novella (Nova historia (1128-1142)), escrita cara ao 1141. Esta segunda parte, relativa a feitos contemporáneos e a guerra civil entre Estevo I e a raíña Matilde, é bastante imparcial, a pesar de ser escrita baixo o auspicio directo de Robert de Gloucester, quen foi un participante directo nos acontecementos.

Tamén escribiu a Gesta pontificum anglorum (Feitos dos bispos ingleses) en 1125. Logo escribiu sobre materias teolóxicas.

Véxase tamén

Ligazóns externas

• Cronistas latinos do século XI ao XIII: William of Malmesbury procedente de The Cambridge History of English and American Literature, Vol. I, 1907–1921, (en inglés).
• Feitos dos reis ingleses, extractos (en inglés).
• Batalla de Hastings, 1066, extractos (en inglés).
• Relato da batalla de Lincoln en 1142, extractos (en inglés).
• Historia Novella, extractos (en inglés).