Mol

Para outras páxinas con títulos homónimos véxase: Mol (homónimos).

A magnitude que expresa o número de partículas presentes nas sustancias é a magnitude básica de substancia. A súa unidade no SI e o mol.

Un mol é a cantidade de substancia que contén tantas entidades elementais (átomos, moléculas, electróns,...) como átomos hai en 0,012 kg de carbono 12. O número de átomos presentes en 12 g de carbono 12 é unha constante chamada constante de Avogadro, N_A. Por isto, un mol é a cantidade de materia que contén un número de partículas igual a N_A.

Non podemos contar os átomos ou as moléculas, pero existen métodos para determinar o número de partículas presentes nas substancias. Mediante estes métodos calculouse que o valor da constante de Avogadro é:

N_A = 6.022045 · 10²³ mol⁻¹

A partir de agora, utilizaremos como valor da constante de Avogadro N_A = 6.022 · 10²³ mol⁻¹ para simplificar os cálculos.

Un mol é a cantidade de substancia que contén 6,022 · 10²³ unidades. Así:

• 1 mol de moléculas contén: 6,022 · 10²³ moléculas.
• 1 mol de átomos contén: 6,022 · 10²³ átomos.
• 1 mol de electróns contén: 6,022 · 10²³ electróns.

O mol refírese sempre a un número fixo de partículas, sexan átomos, ións... E incluso lapis e bolígrafos.

Para facérmonos unha idea, toda a Terra dividida en bolas de uns 15 cm de diámetro daría un número de bolas igual á constante de Avogadro.

---

Este artigo sobre química é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---