Złoty

Złoty
Polski złoty
Código:	PLN
Ámbito:	Polonia
Símbolo:	zł
Fracción:	100 groszy
Moedas:	1, 2, 5, 10, 20, 50 groszy 1, 2, 5 zł
Billetes:	10, 20, 50, 100, 200 zł
Emisor:	Narodowy Bank Polski
Taxa de troco: 12-03-2011	1 EUR = 4,0029 PLN 1 USD = 2,8793 PLN
Troco actual

O złoty [pronunciado 'zwɔtɨ] (en plural złote ['zwɔtɛ] para os números rematados en 2, 3 ou 4 - agás 12, 13 e 14 - e złotych ['zwɔtɨx] para os demais) é a moeda de curso legal de Polonia. A palabra significa literalmente dourado en polaco e fai referencia ás antigas moedas de ouro chamadas así. Grosz vén da palabra alemá Groschen. Divídese 100 grosz ['grɔʃ] (grosze ['grɔʃɛ] para os números rematados en 2, 3 ou 4 - agás 12, 13 e 14 - e groszy ['grɔʃɨ] para os demais). O seu código ISO 4217 é PLN e abréviase Zł

Historia

No século XIV e o século XV chamábaselle złoty a calquera moeda de ouro estranxeira das que circulaban por Polonia (especialmente os ducados de Alemaña e Rutenia). En 1496, o Sejm (a cámara baixa polaca) creou unha moeda nacional equivalente a 30 groschen de Praga, que en polaco se denominou grosz ou tamén, polski złoty ("dourado polaco").

Durante a segunda metade do século XVIII, baixo o reinado de Estanislao II Poniatowski, oficializouse o złoty como unidade monetaria polaca. Substituído polo rublo ruso entre 1850 e 1917, e polo marco polaco entre 1917 e 1924), o złoty foi reintroducido en 1924 logo da hiperinflación e o caos monetario que houbo nos anos que seguiron á I Guerra Mundial. O troco fixado foi de 1 złoty = 100 groszy = 0,1687 gramos de ouro; 1 złoty = 1.800.000 marcos polacos.

Logo de varias devaluación, en 1950 introduciuse un novo złoty (PLZ), sendo a equivalencia 100 dos antigos por cada novo złoty. En 1995, tamén debido á hiperinflación, a coma decimal moveuse 4 lugares. Así, 10.000 vellos złotys (PLZ) = 1 novo złoty (PLN).

Polonia entrou na Unión Europea en maio do 2004, se ben non está claro que a adopción do euro se vaia materializar a curto prazo.

Billetes

No 2005 circulan os billetes coas denominacións seguintes:

Denominación	Cor predominante	Dimensións	Anverso	Reverso
10 złoty	Marrón	60 x 120 mm	Príncipe Mieszko I	denar (moeda de prata) da época de Mieszko I
20 złoty	Rosa	63 x 126 mm	Rei Boleslaus I o Bravo	denar da época de Boleslaus I
50 złoty	Azul	66 x 132 mm	Rei Casimiro III o Grande	aguia real nun selo da época de Casimiro III con cetro e orbe, de fondo silueta de Cracovia
100 złoty	Verde	69 x 138 mm	Rei Ladislao II Jagiello	escudo cunha aguia da tumba de Ladislao II con casco sobre dúas espadas
200 złoty	Laranxa	72 x 144 mm	Rei Segismundo I o Vello	aguia con coroa e unha banda en forma de S, de fondo o Castelo Wawel

Moedas

Emitidas polo Banco Nacional de Polonia (Narodowy Bank Polski), circulan moedas coas denominacións de:

Denominación	Acuñada dende	Metal		Diámetro (mm.)	Peso (gr.)	Canto	Anverso	Reverso
		Anel	Centro
1 Grosz	1991	Aceiro bronceado		15,50	1,64	Estriado	Emblema nacional	Valor facial
2 Grosze	1991	Aceiro bronceado		17,50	2,13	Liso	Emblema nacional	Valor facial
5 Groszy	1991	Aceiro bronceado		19,50	2,59	Discontinuo	Emblema nacional	Valor facial
10 Groszy	1991	Cuproníquel		16,50	2,51	Discontinuo	Emblema nacional	Valor facial
20 Groszy	1991	Cuproníquel		18,50	3,22	Estriado	Emblema nacional	Valor facial
50 Groszy	1991	Cuproníquel		20,50	3,94	Estriado	Emblema nacional	Valor facial
1 Złoty	1991	Cuproníquel		23,00	5,00	Estriado	Emblema nacional	Valor facial
2 Złote	1994	Latón	CuNi	21,50	5,21	Liso	Emblema nacional	Valor facial
5 Złotych	1994	CuNi	Latón	24,00	6,54	Estriado irregular	Emblema nacional	Valor facial

Véxase tamén

Outros artigos

• Marco polaco

Ligazóns externas

• Banco Nacional de Polonia (en polaco)'(en inglés)
• Moedas de Zloty
• Fotos das moedas vellas, modernas e conmemorativas (Złoty)